எப்படி இருக்கிறது 'ஓப்போ ஃபைண்டு N2 ஃப்ளிப்'?: ரிவ்யூ
செய்தி முன்னோட்டம்
இந்தியாவில் ப்ரீமியம் செக்மண்டைத் தவிர்த்து வந்த ஓப்போ, 2020-ம் ஆண்டில் வெளியான ஃபைண்டு X2 ப்ரோவுக்குப் பிறகு, ஃபைண்டு N2 ஃப்ளிப் ஸ்மார்ட்போனை வெளியிட்டது. ஃப்ளிப் போன் செக்மண்டில் போட்டியின்றி கோலோச்சி வந்த கேலக்ஸி ஃப்ளிப் ஸ்மார்ட்போன்களுக்குப் போட்டியாகக் களமிறங்கிய இந்த ஃபைண்டு N2 எப்படி இருக்கிறது? பார்க்கலாம்.
வசதிகள்:
6.8 இன்ச் AMOLED டிஸ்பிளே
மீடியாடெக் டைமன்சிட்டி 9000+ ப்ராசஸர்
50MP+8MP ரியர் கேமரா: 32MP செல்ஃபி கேமரா
4,300 mAh பேட்டரி
44W ஃபாஸ்ட் சார்ஜிங் வசதி
ஆண்ட்ராய்டு 13
விலை:
8 GB ரேம் + 256 GB ஸ்டோரேஜ் - ரூ.89,999
மொபைல் ரிவ்யூ
ஓப்போ ஃபைண்டு N2 ஃப்ளிப்: பயன்பாட்டிற்கு எப்படி இருக்கிறது?
ஃபைண்டு N2-வின் வெளிப்புற 60Hz டிஸ்பிளேவும் சரி, உட்புற 120Hz டிஸ்பிளேவும் சரி, பயன்படுத்துவதற்கு கிரிஸ்பியாகவும், நல்ல வெளிச்சத்தையும் கொண்டிருக்கின்றன.
வெளிப்புற சிறிய ஸ்கிரீன் தினசரிப் பயன்பாட்டிற்கு மிகவும் உபயோகமானதாக இருக்கிறது. தகவல்களைப் பார்ப்பதற்கு மட்டுமல்லாது, அதனை சின்னச் சின்ன பயன்பாடுகளுக்கும் பயன்படுத்திக் கொள்ள முடிகிறது.
அதிக கிராஃபிக்ஸ் கொண்ட கேம்களையும் 'கூலாக' டீல் செய்கிறது மீடியாடெக்கின் ஃப்ளாக்ஷிப் ப்ராசஸர். HDR10 பிளேபேக் மற்றும் டால்பி அட்மாஸ் சவுண்டு ஸ்டாண்டர்டாகவே பயன்படுத்த முடிகிறது.
ஒன்றரை நாட்களுக்கு மேல் தாராளமாகத் தாக்குப்பிடிக்கும் இதன் பேட்டரியை, 1 மணி நேரத்தில் 96% வரை சார்ஜ் செய்ய முடிகிறது.
மொத்தத்தில், சாம்சங் ஃப்ளிப்பில் இல்லாத பல வசதிகளைக் கொண்டு ஃப்ளிப் செக்மண்டில் தரமான போட்டியாளரை களமிறக்கியிருக்கிறது ஓப்போ.