செவ்வாய்-ஐ நெருங்கும் வியாழன்: பூமியிலிருந்து தென்படவுள்ள வான நிகழ்வு
செய்தி முன்னோட்டம்
செவ்வாய் மற்றும் வியாழன் இந்த தசாப்தத்தின் மிக நெருக்கமான சந்திப்பிற்காக தயாராகி வருகின்றன.
இது பூமியிலிருந்து தெரியும் ஒரு அரிய வான நிகழ்வு. புதன்கிழமையன்று, இரண்டு கிரகங்களும் நமது இரவு வானில் மிக நெருக்கமாகத் தோன்றும்.
எவ்வளவு நெருக்கம் என்றால் அவற்றுக்கிடையே ஒரு மெல்லிய பிறை நிலவு மட்டுமே நுழைய முடியும்.
பூமியிலிருந்து பார்க்கையில் இவ்வளவு அருகாமை இருந்தபோதிலும், அவை உண்மையில் அந்தந்த சுற்றுப்பாதையில் கிட்டத்தட்ட்ட 575 மில்லியன் கிலோமீட்டர் தொலைவில் இருக்கும்.
வான நிகழ்வு
கிரக இணைப்பு: ஒரு அரிய வான நிகழ்வு
செவ்வாய் மற்றும் வியாழன் இடையே தென்படவுள்ள இந்த நெருக்கம், அமெரிக்கா, ஐரோப்பா மற்றும் ஆப்பிரிக்காவின் பெரும்பாலான பகுதிகளில் புதன்கிழமை பகல் நேரத்தில் தெரியும் என்று எதிர்பார்க்கப்படுகிறது.
கலிபோர்னியாவில் உள்ள நாசாவின் ஜெட் ப்ராபல்ஷன் ஆய்வகத்தைச் சேர்ந்த ஜான் ஜியோர்ஜினி, வானம் இருட்டாக இருக்கும்போது சில மணிநேரங்கள் அல்லது ஒரு நாள் முன்னதாகவே அவற்றின் தோற்றத்தில் பெரிய வித்தியாசம் இருக்காது என்று கூறியுள்ளார்.
குறிப்புகள்
சிறந்த காட்சிகள் மற்றும் அறிவியல் முக்கியத்துவம்
இந்த கிரக இணைப்பின் மிகவும் தெளிவான காட்சிகள் கிழக்கு வானத்தில் டாரஸ் விண்மீனை நோக்கி விடியும் முன் இருக்கும்.
கிரக இணைப்புகள் எனப்படும் இந்த அண்ட இணைவுகள் தோராயமாக ஒவ்வொரு மூன்று வருடங்களுக்கும் நிகழும்.
ஜியோர்ஜினி இந்த நிகழ்வுகளை "பெரும்பாலும் வானத்தைப் பார்ப்பவர்களுக்கு ஆர்வம் மற்றும் அழகுக்கான பொருட்கள்" என்று விவரித்தார்.
மேலும் "விஞ்ஞானம் நிகழ்வுகளை ஆண்டுகளுக்கு முன்பே துல்லியமாகக் கணிக்கும் திறனில் உள்ளது" என்றும் கூறினார்.
வரலாற்றுக் கண்ணோட்டம்
செவ்வாய் மற்றும் வியாழனின் கடந்த கால மற்றும் எதிர்கால ஒருங்கிணைப்பு
செவ்வாய் மற்றும் வியாழன் கடைசியாக 2018 இல் நெருக்கமாக இருந்தது. அடுத்து, 2033 வரை அவை நெருங்காது என கணிக்கப்பட்டுள்ளது.
கடந்த மில்லினியத்தில் இந்த இரண்டு கோள்களின் மிக நெருக்கமான ஒருங்கிணைப்பு 1761 இல் நிகழ்ந்தது.
அப்போது செவ்வாய் மற்றும் வியாழன் சாதாரண கண்களுக்கு ஒரு பிரகாசமான பொருளாகத் தோன்றியது என்கிறார்கள் ஆராய்ச்சியாளர்கள்.
அடுத்ததாக இந்த செவ்வாய் மற்றும் வியாழன் கிரகங்கள் கிட்டத்தட்ட 2348 இல் மீண்டும் நெருங்கி வரும்.