கூகுள் படிவங்கள், QR குறியீடுகள்: ஆனந்த் அம்பானி-ராதிகா திருமணத்தில் தொழில்நுட்பத்தின் முக்கிய பங்கு
ஜூலை 12 அன்று நடைபெற்ற ஆனந்த் அம்பானி மற்றும் ராதிகா மெர்ச்சன்ட்டின் பிரமாண்ட திருமணம், பிரம்மாண்டத்தையும், பகட்டையும் மட்டும் காட்டவில்லை, விருந்தினர் நிர்வாகத்திற்கான தொழில்நுட்பத்தின் புதுமையான பயன்பாட்டையும் வெளிப்படுத்தியது. பங்கேற்பாளர்களுக்கு சுமுகமான அணுகலை உறுதி செய்வதற்காக அம்பானி குடும்பம் QR குறியீடுகள் மற்றும் Google படிவங்கள் போன்ற கருவிகளைப் பயன்படுத்தியது. விருந்தினர்கள் தங்கள் வருகையை Google படிவம் அல்லது மின்னஞ்சல் மூலம் உறுதிப்படுத்துமாறு கேட்டுக் கொள்ளப்பட்டதால், பாரம்பரிய RSVP முறைகளில் இருந்து இது விலகுவதைக் குறித்தது.
QR குறியீடுகள் மற்றும் கலர் பேண்ட்ஸ் : நுழைவை கட்டுப்படுத்தும் பாதுகாப்பு ஏற்பாடுகள்
விருந்தினர்கள் தங்கள் வருகையை உறுதிப்படுத்தியபோது, அவர்கள் ஒரு மொபைலில் ஒரு மெசேஜை பெற்றனர்: "உங்கள் RSVPயைப் பெற்றுள்ளோம். உங்களை வரவேற்பதற்கு நாங்கள் எதிர்நோக்குகிறோம்...நிகழ்வுக்கு 6 மணிநேரத்திற்கு முன் QR குறியீடுகள் பகிரப்படும்." என PTI செய்தி வெளியிட்டுள்ளது. நிகழ்வுக்கு ஆறு மணிநேரத்திற்கு முன்பு பகிரப்பட்ட QR குறியீடுகள் விருந்தினர்களின் தனிப்பட்ட மொபைல் எண்களுக்கு அனுப்பப்பட்டன. விழா மையத்தில், இந்த குறியீடுகள் நிகழ்நேர கண்காணிப்பிற்காக என்ட்ரி பாயிண்டுகளில் ஸ்கேன் செய்யப்பட்டன. பங்கேற்பாளர்களுக்கு குறிப்பிட்ட அக்சஸ் நிலைகள் அல்லது சோன்களுக்கு ஏற்ப வண்ண-குறியிடப்பட்ட காகித பேண்டுகளும் வழங்கப்பட்டன.
ஆனந்த்- ராதிகா திருமணத்தில் நட்சத்திரங்கள் நிறைந்த விருந்தினர் பட்டியல்
உலகப் பிரபலங்கள், தொழில் அதிபர்கள், கிரிக்கெட் வீரர்கள், திரையுலக நட்சத்திரங்கள், அரசியல்வாதிகள் எனப் பலரும் கலந்து கொண்ட பிரமாண்ட நிகழ்வாக இந்தத் திருமணம் நடைபெற்றது. ரியாலிட்டி டிவி நட்சத்திரம் கிம் கர்தாஷியன் , நைஜீரிய ராப்பர் ரெமா, முன்னாள் இங்கிலாந்து பிரதமர் போரிஸ் ஜான்சன் மற்றும் பாலிவுட் சூப்பர் ஸ்டார்களான ஷாருக்கான் மற்றும் சல்மான் கான் ஆகியோர் கலந்து கொண்டனர். இந்திய கிரிக்கெட் வீரர்களான சச்சின் டெண்டுல்கர், மகேந்திர சிங் தோனி , ஜஸ்பிரித் பும்ரா, ஹர்திக் பாண்டியா மற்றும் சூர்ய குமார் யாதவ் போன்றோரும் இந்த உயர்மட்ட நிகழ்வில் கலந்து கொண்டனர். ஞாயிற்றுக்கிழமை திருமண வரவேற்பு நிகழ்ச்சியுடன் விழா நிறைவு பெற்றது.
