'கூகுள் பே' பயனர்களுக்கு முக்கிய எச்சரிக்கை விடுத்துள்ளது கூகுள் நிறுவனம்
செய்தி முன்னோட்டம்
'கூகுள் பே' பயன்படுத்தும் நபர்களுக்கு ஓர் முக்கிய அறிவிப்பினை கூகுள் நிறுவனம் தெரிவித்துள்ளது.
அதன்படி, 'கூகுள் பே' செயலி பயன்படுத்தும் பொழுது திரை பகிர்வு செயலிகளை பயன்படுத்த வேண்டாம் என்று அறிவுறுத்தப்பட்டுள்ளது.
சந்தேகத்திற்கிடமான பரிவர்த்தனைகளை கண்டறிய கூகுளின் சிறந்த செயற்கை நுண்ணறிவு மற்றும் மோசடிகளை தடுக்கும் தொழில்நுட்பம் பயன்படுத்தப்படுகிறது.
அதே போல் கூடுதல் பாதுகாப்புடன் பண பரிவர்த்தனை மேற்கொள்ள கூகுள் தக்க நடவடிக்கைகளை எடுத்து வருவதாகவும் கூறப்படுகிறது.
இந்நிலையில் 'கூகுள் பே' செயலி கொண்டு பாதுகாப்பான பண பரிவர்த்தனை மேற்கொள்ள சில செயலிகளை பயன்படுத்த வேண்டாம் என்று கூகுள் தனது பயனர்களுக்கு அறிவுறுத்தியுள்ளது.
கூகுள்
சாதனத்தின் முழு கட்டுப்பாட்டினை திரை பகிர்வு செயலிகள் எடுத்து கொள்ளும் என எச்சரிக்கை
மொபைல் போன், லேப்டாப், கணினி உள்ளிட்ட எந்தவொரு சாதனம் மூலமும் பண பரிவர்த்தனை செய்கையில், திரை பகிர்வு செயலிகள் எதனையும் பயன்படுத்த வேண்டாம் என்று கூகுள் கூறுகிறது.
இதனை பயன்படுத்தப்படும் பட்சத்தில் இந்த செயலிகள் உங்கள் சாதனத்தின் முழு கட்டுப்பாட்டினை எடுத்து கொள்வதோடு பயனர்களின் வங்கிக்கணக்கு, டெபிட் கார்டு உள்ளிட்ட தகவல்களை முழுமையாக எடுத்து கொள்ளும் என்ற எச்சரிக்கை விடுக்கப்பட்டுள்ளது.
இதன் காரணமாக, கூகுள் பே பயன்படுத்தும் பொழுது எனி டெஸ்க், டீம் வியூவர், ஸ்க்ரீன் ஷேர் உள்ளிட்ட செயலிகளை பயன்படுத்துவதை தவிர்ப்பதோடு, அந்த குறிப்பிட்ட செயலிகள் உங்கள் சாதனத்தில் இல்லை என்பதை உறுதி செய்து கொள்ள வேண்டும் என்றும் கூறப்பட்டுள்ளது.