மும்பையில் eSIM மோசடியில் ரூ.4 லட்சம் இழந்த நபர்; உங்களை பாதுகாத்துக் கொள்வது எப்படி?
செய்தி முன்னோட்டம்
பாரம்பரிய சிம் கார்டுகளுக்கு மாற்றாக, டிஜிட்டல் தொழில்நுட்பத்தில் வரும் eSIM (உட்பொதிக்கப்பட்ட சிம்), இந்தியாவில் ஸ்மார்ட்போன் பயனர்களிடையே தற்போது மிகவும் பிரபலமாகி வருகிறது. சாப்ட்வேர் வழியாக நிறுவப்படும் இது, அழைப்புகள், செய்திகள் மற்றும் இணைய அணுகல் உள்ளிட்ட வழக்கமான அனைத்து மொபைல் சேவைகளையும் உண்மையான சிம் கார்டின் தேவையில்லாமல் வழங்குகிறது. இருப்பினும், இந்த வசதி eSIM மோசடி என்ற ஒரு புதிய வகையான சைபர் கிரைமிற்கு கதவுகளைத் திறந்துள்ளது. இந்த மோசடியில், குற்றவாளிகள் பயனர்களை ஏமாற்றி தங்கள் உண்மையான சிம்மை மோசடி செய்பவரின் கட்டுப்பாட்டின் கீழ் eSIM ஆக மாற்றுகிறார்கள்.
மோசடியாளர்
மோசடியாளருக்கு ஒடிபி உள்ளிட்ட அனைத்தும் செல்லும்
இது முடிந்ததும், அனைத்து அழைப்புகள், செய்திகள் மற்றும் முக்கியமாக, வங்கி ஓடிபிகள் மற்றும் அங்கீகார குறியீடுகள் மோசடி செய்பவரின் சாதனத்திற்கு நேரடியாக அனுப்பப்படும். இது அவர்களுக்கு பயனர்களின் நிதிக் கணக்குகளை அணுகவும் அங்கீகரிக்கப்படாத பரிவர்த்தனைகளை மேற்கொள்ளவும் திறனை வழங்குகிறது. மும்பையில் சமீபத்தில் நடந்த ஒரு சம்பவம் இந்த ஆபத்துகளை எடுத்துக்காட்டுகிறது. அதில் மோசடி செய்பவர்கள் அனுப்பிய தீங்கிழைக்கும் இணைப்பைக் கிளிக் செய்த சில நிமிடங்களில் ஒரு பாதிக்கப்பட்டவர் ₹4 லட்சத்தை இழந்தார். இந்த இணைப்பு சிம்-டு-இ-சிம் மாற்றத்தைத் தொடங்கியது, பாதிக்கப்பட்டவர் நெட்வொர்க் இழப்பைக் கண்டறிந்து வங்கியைத் தொடர்பு கொல்வதற்கு இடையில், பணம் போய்விட்டது.
பாதுகாப்பு
பாதுகாத்துக் கொள்வது எப்படி?
இதுபோன்ற சைபர் கிரைம்களில் இருந்து உங்களைப் பாதுகாத்துக் கொள்ள, சந்தேகத்திற்கிடமான இணைப்புகளைக் கிளிக் செய்வதைத் தவிர்க்கவும். சிம் சரிபார்ப்பைக் கோரும் தெரியாத எண்களிலிருந்து வரும் அழைப்புகளை கண்டிப்பாக புறக்கணித்து விடுங்கள். மேலும், தொலைபேசியில் வங்கி விவரங்களை ஒருபோதும் பகிர வேண்டாம். கூடுதல் பாதுகாப்பிற்காக பல காரணி அங்கீகாரத்தை இயக்கவும், திடீர் நெட்வொர்க் இழப்பை உடனடியாக உங்கள் தொலைத்தொடர்பு வழங்குநரிடம் புகாரளிக்கவும். இத்தகைய அதிவேக டிஜிட்டல் திருட்டுகளைத் தடுப்பதற்கு விழிப்புணர்வும் விரைவான நடவடிக்கையும் முக்கியமாகும்.