பாகிஸ்தான் விண்வெளி வீரருக்குப் பயிற்சி அளித்து 'தியாங்கோங்' மையத்திற்கு அனுப்ப சீனா திட்டம்
செய்தி முன்னோட்டம்
சீனா தனது 'தியாங்கோங்' (Tiangong) விண்வெளி நிலையத்திற்கு ஒரு பாகிஸ்தான் விண்வெளி வீரரை குறுகிய கால பயணத்திற்காக அனுப்பி வைக்கும் என்று அறிவித்துள்ளது. இது இரு நாடுகளுக்கும் இடையேயான விண்வெளி ஒத்துழைப்பில் ஒரு புதிய அத்தியாயத்தைக் குறிக்கிறது. சீன விண்வெளி நிலையத்தில் குழுப் பயணங்களில் பங்கேற்க அழைக்கப்பட்ட முதல் நாடுகளில் பாகிஸ்தானும் ஒன்றாகும். தேர்ந்தெடுக்கப்பட்ட பாகிஸ்தான் விண்வெளி வீரர், சீன வீரர்களுடன் (Taikanauts) இணைந்து பயிற்சி பெறுவார், அதன்பின் விண்வெளியில் குறுகிய காலப் பயணத்தை மேற்கொள்வார்.
விவரங்கள்
விண்வெளி பயணத்தின் முக்கிய அம்சங்கள்
சீன விண்வெளி நிறுவனம் மற்றும் பாகிஸ்தானின் விண்வெளி மற்றும் வளிமண்டல ஆராய்ச்சி ஆணையம்(SUPARCO) ஆகியவை தற்போது பயிற்சித் திட்டம் மற்றும் பயணத்திற்கான காலக்கெடுவை இறுதி செய்து வருகின்றன. இந்த விண்வெளிப் பயணம், பெய்ஜிங் மற்றும் இஸ்லாமாபாத் இடையே வளர்ந்து வரும் மூலோபாய மற்றும் அறிவியல் ஒத்துழைப்பை மேலும் வலுப்படுத்தும் என்று எதிர்பார்க்கப்படுகிறது. சீனாவின் 'தியாங்கோங்' விண்வெளி நிலையம் 2022-ஆம் ஆண்டின் இறுதியில் முழுமையாக செயல்படத் தொடங்கியது. இது சர்வதேச அறிவியல் ஆராய்ச்சி மற்றும் விண்வெளி வீரர்கள் பரிமாற்றத்திற்கான ஒரு முக்கிய தளமாகச் செயல்பட்டு வருகிறது. சீன விண்வெளி நிறுவனம் மற்றும் பாகிஸ்தான் விண்வெளி மற்றும் மேல் வளிமண்டல ஆராய்ச்சி ஆணையம் பயிற்சித்திட்டம் மற்றும் பணி காலவரிசை பற்றிய விவரங்களை இறுதி செய்து வருகின்றன.
பாகிஸ்தான்
பாகிஸ்தானின் விண்வெளி திட்டம் இது வரை
2018 ஆம் ஆண்டு சீனாவுடன் இணைந்து தனது முதல் செயற்கைக்கோளை ஏவிய பாகிஸ்தான், நீண்ட காலமாக தனது விண்வெளி ஆராய்ச்சி திறன்களை விரிவுபடுத்த முயன்று வருகிறது. வரவிருக்கும் இந்த பணி பாகிஸ்தானின் விண்வெளி லட்சியங்களை வலுப்படுத்துவது மட்டுமல்லாமல், சீனாவுடனான அதன் தொழில்நுட்ப உறவுகளையும் ஆழப்படுத்தும் என்று நிபுணர்கள் கூறுகின்றனர். சர்வதேச கூட்டாளிகளுக்கு, குறிப்பாக ஆசிய-பசிபிக் பிராந்தியத்தை சேர்ந்தவர்களுக்கு, டியான்காங்கை திறக்கும் திட்டங்களை பெய்ஜிங் முன்னர் குறிப்பிட்டிருந்தது. இந்த அறிவிப்பின் மூலம், சீனா தலைமையிலான குழு விண்வெளிப் பயணத் திட்டங்களில் பங்கேற்கும் தேர்ந்தெடுக்கப்பட்ட நாடுகளின் குழுவில் பாகிஸ்தான் சேரத் தயாராக உள்ளது, இது பூமியின் சுற்றுப்பாதையைத் தாண்டி பிராந்திய ஒத்துழைப்பின் வளர்ந்து வரும் சகாப்தத்தைக் குறிக்கிறது.