ஏன் நொறுங்கியது டைட்டன் நீர்மூழ்கி? யூடியூபில் ட்ரெண்டாகும் விளக்கக் காணொளி
செய்தி முன்னோட்டம்
அமெரிக்காவில், 100 ஆண்டுகளுக்கு முன் கடலில் மூழ்கிய டைட்டானிக் கப்பலின் இடிபாடுகளைக் காணச் சென்ற டைட்டன் நீர்மூழ்கி நொறுங்கி, அதில் பயணம் செய்து ஐந்து கோடீஸ்வரர்களும் உயிரிழந்த சம்பவம் உலகம் முழுவதும் அதிர்ச்சியை ஏற்படுத்தியிருந்தது.
நீர்மூழ்கி ஏன் நொறுங்கியது, எப்படி நொறுங்கிச் சிதறியது எனப் பல்வேறு கேள்விகள் அனைவரது மனதிலும் இருக்கும் நிலையில், அது குறித்த தெளிவான விளக்கக் காணொளி ஒன்றை அனிமேஷன் வடிவில் உருவாக்கி வெளியிட்டிருக்கிறது, AiTelly என்ற யூடியூப் பக்கம் ஒன்று.
6 நிமிட நீளம் கொண்ட இந்த காணொளியானது பதிவிடப்பட்டு 13 நாட்கள் ஆகியிருக்கும் நிலையில், தற்போது 96 லட்சம் முறை யூடியூபில் பார்க்கப்பட்டிருக்கிறது.
யூடியூப்
எப்படி நொறுங்கியது டைட்டன் நீர்மூழ்கி?
பொதுவாக, நீரில் மூழ்கக்கூடிய தன்மையுடைய பொருட்களைத் தயாரிக்கும் போது, அவை பயன்படுத்தப்படவிருக்கும் ஆழத்தைப் பொருத்து , அந்த நீர்நிலை அழுத்தத்தைக் தாங்கக்கூடிய அளவிலான பொருட்களைப் பயன்படுத்துவார்கள்.
உதாரணத்திற்கு நீர்மூழ்கிக் கப்பல்கள் எல்லாம், ஸ்டீல், டைட்டானியம் மற்றும் அலுமினியும் உள்ளிட்ட கடினமாக உலோகங்களைக் கொண்டு உருவாக்குவார்கள்.
ஆனால், இந்த டைட்டன் நீர்மூழ்கியை, பரிச்சார்த்த முயற்சியாக கார்பன் ஃபைபரைக் கொண்டு உருவாக்கியிருக்கிறார்கள். அது பயணம் செய்த ஆழத்தில், ஒரு சதுர அங்குலத்திற்கு 2,500 கிலோ அழுத்தத்தைத் தாங்க வேண்டியிருந்திருக்கும்.
ஆனால், அவ்வளவு அழுத்தத்தைத் தாங்க முடியாமலேயே நொறுங்கியிருக்கிறது டைட்டன் நீர்மூழ்கி. டைட்டன் நீர்மூழ்கி ஏன் நொறுங்கியது என்பது குறித்த அந்த விளக்கக் காணொளியை முழுமையாகக் காண இங்கே கிளிக் செய்யவும்.