தலைவலியை போக்க இந்த ஆயுர்வேத எண்ணெய்களை பயன்படுத்துங்கள்!
ஆயுர்வேதம், பல ஆண்டுகளாக இந்தியாவில் நடைமுறையில் இருக்கும் மருத்துவமுறை. அதில் ஒருவகையான அரோமாதெரபியில், மூலிகை எண்ணெய்களை பயன்படுத்தி உடல் ஆரோக்கியத்தை மேம்படுத்துவார்கள். ஸ்ட்ரெஸ் மற்றும் வாழ்க்கைமுறைகளால் பலருக்கும் தலைவலி, உடல் சோர்வு போன்ற அசௌகரியங்கள் அவ்வப்போது ஏற்படுகிறது. இந்த தலைவலியை சமாளிக்க Essential Oils என்று அழைக்கப்படும், அத்தியாவசிய எண்ணெய்களை பயன்படுத்தலாம். இவ்வகை மூலிகை எண்ணெய்கள், நறுமணம் செறிவூட்டப்பட்ட, மூலிகை எண்ணெய்கள் ஆகும். உங்கள் தலைவலிக்கு மருந்தாக பயன்படுத்தக்கூடிய சில ஆயுர்வேத எண்ணெய் வகைகளை பற்றி பார்க்கலாம். லாவெண்டர் எண்ணெய்: தூக்கத்தை மேம்படுத்தவும், மன அழுத்தம், பதட்டம் மற்றும் மனச்சோர்வைக் குறைக்கவும் பயன்படுத்தப்படுகிறது. இந்த எண்ணையை பயன்படுத்துவதால், மன அழுத்தத்தால் ஏற்படும் ஒற்றைத் தலைவலியில் இருந்து விடுபடலாம்.
தலைவலியை குறைக்க எண்ணெய் மசாஜ்
யூகலிப்டஸ் எண்ணெய்: இதை அன்றாட வாழ்க்கையிலேயே பயன்படுத்தலாம். சைனஸ் பிரச்சனையால் ஏற்படும் தலைவலியை குறைக்க பயன்படுத்தப்படுகிறது. ரோஸ்மேரி எண்ணெய்: இது அருமையான வலி நிவாரணி மற்றும் அழற்சி எதிர்ப்பு பண்புகள் கொண்ட எண்ணெய் ஆகும். மன அழுத்தத்தைக் குறைக்கவும், வலியைக் குறைக்கவும் பாரம்பரிய மருத்துவத்தில் இது பயன்படுத்தப்படுகிறது. பெப்பர் மின்ட் எண்ணெய்: மெந்தால் (menthol), தசைகளை தளர்த்தவும், வலியைக் குறைக்கவும் உதவும். டென்ஷனால் ஏற்படும் தலைவலி மற்றும் ஒற்றைத் தலைவலியால் உண்டாகும் அசௌகரியத்தை குறைக்கும். கெமோமில் எண்ணெய்: உடலைத் ரிலாக்ஸ் செய்து, தசை பிடிப்புகளை நீக்குகிறது. இது டென்ஷன் தலைவலிக்கு சிறந்த சிகிச்சையாக அமைகிறது.
