புனித வாடிகன் நகரத்திற்கு சுற்றுலா செல்லும் போது, நீங்கள் செய்யக்கூடாதவை!
செய்தி முன்னோட்டம்
வாடிகன் நகரம், கலை மற்றும் கட்டிடக்கலையின் பிரமிக்க வைக்கும் சில படைப்புகளுக்கு பெயர் பெற்றது. அதோடு, ரோமன் கத்தோலிக்க திருச்சபையின் மையமாக, இது ஒவ்வொரு ஆண்டும் மில்லியன் கணக்கான பார்வையாளர்களை ஈர்க்கிறது. கிறிஸ்தவர்களுக்கு, இது ஒரு புனித நகரமாகும். இருப்பினும், சுற்றுலாப் பயணிகள், இந்த ஊரின் மகத்துவத்தை பாதிக்கும் வகையில் சில தவறுகளை அடிக்கடி செய்கிறார்கள். உடலை வெளிப்படுத்தும் ஆடைகளை அணியாதீர்கள்: வாடிகன் நகரத்திற்குச் செல்லும்போது, நாகரிகமான உடை அணிவது அவசியம். குட்டை பாவாடைகள், ஷார்ட்ஸ் அணிவதைத் தவிர்த்து, முக்கியமாக உங்கள் தோள் பகுதி மூடியிருக்கும் வகையில் ஆடை அணியவேண்டும். கால்களில், வார் செருப்புகள் அணியலாம், ஆனால் ஃபிளிப்-ஃப்ளாப்கள் அணியக்கூடாது. அதேபோல், வாடிகன் கட்டிடங்களுக்குள் நுழையும் போது உங்கள் தொப்பியை கழற்ற மறக்காதீர்கள்.
வாடிகன்
வழிபாட்டு தலங்களில் அமைதி காக்க வேண்டும்
வழிபாட்டு தலங்களில் அமைதி காக்கவும்: செயின்ட் பீட்டர்ஸ் பசிலிக்கா அல்லது சிஸ்டைன் சேப்பல் போன்ற மத வழிபாட்டு இடங்களுக்கு நீங்கள் செல்லும்போது, மரியாதை நிமித்தமாக, அமைதியாக இருப்பது அவசியம். அந்த வழிபாட்டு தலங்களின் நுழைவாயிலில் குறிப்பிடப்பட்டிருக்கும் விதிகளை பின்பற்றவேண்டும். சுவிஸ் போலீசாருடன் புகைப்படங்கள் எடுக்கக்கூடாது: சுவிஸ் காவலர்கள், வண்ணமயமாக சீருடை அணிந்திருந்தாலும், போப் ஆண்டவரையும், வாடிகன் நகரையும் பாதுகாக்கும் முக்கிய பொறுப்பு அவர்களுக்கு உண்டு. அவர்கள் பணியினை இடையூறு செய்யும் விதமாக, அவர்களை புகைப்படம் எடுக்கக்கூடாது. நிர்வாண ஓவியங்கள் மற்றும் சிற்பங்களை சுட்டிக்காட்டி சிரிக்க கூடாது: வாடிகன் நகரில், கலைப்படைப்புகள் புனிதமானவை மற்றும் வாடிகன் கலாச்சாரத்திற்கு வரலாற்று முக்கியத்துவம் வாய்ந்தவையாக கருதப்படுகிறது. நீங்கள் ஓவியங்களை பார்த்து சிரிப்பது, அவற்றை கேலி செய்வதாக கருதப்படும்.