நீங்க என்ன சாப்பிடுறீங்கங்கிறதை விட, எப்போ சாப்பிடுறீங்கங்கிறது தான் முக்கியம்! இரவு 7 மணிக்கு மேல் சாப்பிடுபவரா நீங்க? இதைப் படிங்க!
செய்தி முன்னோட்டம்
ஆரோக்கியமான உணவைச் சாப்பிடுவது எவ்வளவு முக்கியமோ, அதைச் சரியான நேரத்தில் சாப்பிடுவதும் அவ்வளவு முக்கியம். இரவு உணவை தூங்குவதற்கு சில மணிநேரங்களுக்கு முன்பே முடித்துவிடுவது உடல் நலத்திற்கு மிகவும் நல்லது என்று மருத்துவ நிபுணர்கள் கூறுகின்றனர். இரவு 7 மணிக்குள் சாப்பிடுபவர்களுக்குச் சர்க்கரை அளவு சீராக இருப்பதோடு, தூக்கத்தின் தரமும் மேம்படுவதாக ஆய்வுகள் தெரிவிக்கின்றன. சூரிய அஸ்தமனத்திற்குப் பிறகு நமது உடலில் மெலடோனின் ஹார்மோன் சுரப்பு அதிகரிக்கிறது மற்றும் இன்சுலின் சுரப்பு பலவீனமடைகிறது. இந்தச் சூழலில் தாமதமாகச் சாப்பிடும்போது பின்வரும் பாதிப்புகள் ஏற்படுகின்றன.
பாதிப்புகள்
தாமதமாக சாப்பிடுவதால் ஏற்படும் பாதிப்புகள்
இன்சுலின் பாதிப்பு: இன்சுலின் உணர்திறன் 40% முதல் 50% வரை குறைகிறது. இது நீரிழிவு நோய் அபாயத்தை அதிகப்படுத்தும். கொழுப்பு தேக்கம்: செரிமானம் மெதுவாக நடப்பதால், உடலில் கொழுப்பு எரிக்கப்படுவது குறைந்து, அதிகப்படியான கொழுப்பு சேமிக்கப்படுகிறது. உடல் நச்சு நீக்கம் பாதிப்பு: தூக்கத்தின் போது உடல் தன்னைத் தானே பழுதுபார்த்து நச்சுக்களை நீக்க வேண்டும். ஆனால் தாமதமாகச் சாப்பிடும்போது, உடல் செரிமான வேலையிலேயே இருப்பதால் நச்சு நீக்கப் பணி பாதிக்கப்படுகிறது. இதனால் காலையில் எழுந்திருக்கும்போது சோர்வாகவும், வயிறு உப்பலாகவும் உணர நேரிடும்.
நன்மைகள்
சீக்கிரம் சாப்பிடுவதால் கிடைக்கும் நன்மைகள்
இரவு 7 மணிக்குள் உணவை முடிப்பவர்களுக்குக் கிடைக்கும் நன்மைகள் குறித்து நிபுணர்கள் பகிர்ந்த தகவல்கள்: இரத்த சர்க்கரை சீராகும்: இரவு நேர சர்க்கரை அளவு 15% வரை குறைகிறது. ஆசிட் ரிஃப்ளக்ஸ் தடுப்பு: உணவு செரிமானம் ஆக அவகாசம் கிடைப்பதால், படுக்கும்போது நெஞ்செரிச்சல் அல்லது அசிடிட்டி போன்ற தொந்தரவுகள் இருக்காது. மேம்பட்ட தூக்கம்: வயிறு கனமாக இல்லாததால் ஆழ்ந்த தூக்கம் கிடைக்கும். உடல் எடை மேலாண்மை: தேவையற்ற நள்ளிரவு நொறுக்குத்தீனி பழக்கத்தைத் தவிர்க்க இது உதவும், இதனால் உடல் எடையைக் கட்டுக்குள் வைக்கலாம்.
ஒப்பீடு
நேரமும் ஆரோக்கியமும்: ஒரு ஒப்பீடு
மருத்துவர்கள் இரவு உணவு நேரத்தை வைத்து உடலின் நிலையை இவ்வாறு ஒப்பிடுகின்றனர்: இரவு 7 மணி: சர்க்கரை அளவு நிலைபெறும், சிறந்த தூக்கம் கிடைக்கும். இரவு 9:30 மணி: அதிக சர்க்கரை அளவு, மெதுவான உடல் பழுதுபார்ப்புப் பணி. குறிப்பாக சர்க்கரை நோய், கல்லீரல் பாதிப்பு உள்ளவர்கள் இரவு உணவைச் சீக்கிரம் சாப்பிடுவது அவர்களின் ஹார்மோன் சமநிலைக்கும், சர்க்கரை அளவைக் கட்டுப்படுத்தவும் 30-50% வரை கூடுதல் பலன் அளிக்கிறது.