கோகோ கோலா, பெப்சி ஆண்களின் பாலியல் ஆரோக்கியத்திற்கு நல்லது; ஆய்வு தகவல்
செய்தி முன்னோட்டம்
கோகோ கோலா மற்றும் பெப்சி போன்ற குளிர்பானங்கள் பருகுவதால் உடலுக்கு தீங்கு என்று பல நாட்களாக தகவல்கள் பரவி வந்த நிலையில், தற்போதைய ஆராய்ச்சிகளின் படி, ஆண்களின் இனப்பெருக்க ஆரோக்கியத்தில் இந்த கார்பனேற்றப்பட்ட பானங்கள் நேர்மறை தாக்கம் கொண்டிருப்பதாக தெரிகிறது.
சீனாவின் பல்கலைக்கழக விஞ்ஞானிகள், 150 எலிகளில் இந்த ஆராய்ச்சியை மேற்கொண்டனர்.
அமெரிக்காவின் தேசிய மருத்துவ நூலகத்தில் வெளியிடப்பட்ட இந்த ஆய்வில், கோகோ கோலா மற்றும் பெப்சி போன்ற பானங்கள் பருகுவது, விரைகளின் வளர்ச்சிக்கும், புரோஸ்டேட் செயலிழப்பு மற்றும் புற்றுநோயைத் தடுப்பதற்கும் நன்மை பயக்கும் என்பதைக் காட்டுகிறது.
ஆராய்ச்சியாளர்கள் விலங்குகளை தலா 30 பேர் கொண்ட ஐந்து குழுக்களாகப் பிரித்தனர்.
ஆரோக்கியம்
கோகோ கோலா, பெப்சியின் நன்மைகள்
சோதனையின் முழு காலமும், ஒரு கட்டுப்பாட்டு குழு, 15 நாட்களுக்கு குழாய் நீரைக் குடித்தது. ஒரு குழு 100 சதவீதம், கோகோ கோலா குடித்தது, மற்றொரு குழு 100 சதவீதம் பெப்சி வழங்கப்பட்டது. மீதமுள்ள இரண்டு குழுக்களில், ஒரு குழுக்கு பாதி தண்ணீர், பாதி கோகோ கோலா கலவையும், மற்றொரு குழுக்கு, அரை தண்ணீர் மற்றும் பாதி பெப்சி கலவையும் கொடுக்கப்பட்டது.
பரிசோதனையின் கடைசி நாளில், பெப்சி அல்லது கோகோ-கோலாவை மட்டுமே குடித்த குழுக்களின் விரைகளின் அளவு "கணிசமான அளவு அதிகரித்தது" என்று ஆய்வில் கண்டறியப்பட்டுள்ளது.
இந்த இனப்பெருக்க நன்மைகள் ஆண் எலிகளுக்கு மட்டுமே என்பது குறிப்பிடத்தக்கது.
எனினும், ஆய்வில் பெண் எலிகளின் கருப்பையின் எடை குறைந்து, கருமுட்டை வளர்ச்சியைத் தடுப்பதாக நிரூபிக்கப்பட்டுள்ளது.