பல் பாதுகாப்பு: கட்டுக்கதைகளும் உண்மைகளும்
செய்தி முன்னோட்டம்
பற்களின் ஆரோக்கியம் என்பது நம் ஒட்டுமொத்த உடல் நலத்திற்கும் ரொம்ப முக்கியம். ஆனால், பல் பராமரிப்பு பற்றி நிறைய தவறான கட்டுக்கதைகள் இருப்பதால், மக்கள் சில சமயம் தவறான முறைகளை பின்பற்றுகிறார்கள். இந்தக் கட்டுக்கதைகளுக்குப் பின்னால் இருக்கும் உண்மைகளை தெரிந்துகொண்டால் மட்டுமே, நம் பல்லையும் ஈறுகளையும் நல்ல ஆரோக்கியத்துடன் வைத்துக்கொள்ள முடியும். இந்தக் கட்டுரையில், பரவலாக இருக்கும் சில பல் பாதுகாப்பு கட்டுக்கதைகளை உடைத்து, வாய் ஆரோக்கியத்தை எப்படி சரியாக பராமரிக்க வேண்டும் பற்றி தெளிவான தகவல்களைப் பார்க்கப் போகிறோம். உண்மை என்ன, கட்டுக்கதை என்ன என்பதை பிரித்து ஆராய்ந்தால், உங்கள் பல் நலனுக்காகச் சரியான முடிவுகளை எடுக்க முடியும்.
#1
கட்டுக்கதை: சர்க்கரை நேரடியாகக் கேவிட்டிஸை ஏற்படுத்தும்
நிறைய பேர் சர்க்கரை சாப்பிட்டால், அது நேரடியாகப் பற்களில் கேவிட்டிஸ் வரும் என எண்ணுகிறார்கள். ஆனால், அது உண்மை இல்லை. உண்மையில, வாயில இருக்க்கும் பாக்டீரியாக்கள் சர்க்கரையை சாப்பிட்டு, பற்களுடைய எனாமலை அரிக்கும் அமிலங்களை உருவாக்குவதால் தான் கேவிட்டிஸ் ஏற்படுகிறது. சர்க்கரை சாப்பிடுகிற அளவும், வாய் சுத்தத்தை சரியாக பராமரிக்காததும்தான் கேவிட்டிஸ் வர முக்கியக் காரணம். சர்க்கரை மட்டுமே காரணம் இல்லை. தினமும் இரண்டு வேளை பல் துலக்குவதும், ரெகுலராக ஃப்ளாசிங் செய்வதும் சர்க்கரை உணவுகளால் ஏற்படும் ப்ளேக் படிமங்களை நீக்க உதவும்.
#2
கட்டுக்கதை: அதிகமாகப் பல் துலக்கினால் நன்றாகச் சுத்தமாகும்
சிலர், அடிக்கடி பல் துலக்கினால் பற்கள் மிகவும் சுத்தமாக இருக்கும் என நினைப்பதுண்டு. ஆனால், இதுவும் ஒரு தவறான கருத்து. அதிகமாக பல் துலக்குவதால், ஈறுகளுக்கும் பல்லின் எனாமலுக்கும் பாதிப்பு ஏற்படலாம். நல்லதை விடக் கெடுதல் அதிகமாக இருக்கும். பல் டாக்டர்கள், தினமும் ரெண்டு வேளை, ஒவ்வொரு முறையும் இரண்டு நிமிடம், மென்மையான பிரஷ் கொண்டு பல் துலக்க அறிவுறுத்துகிறார்கள். இப்படி செய்வதனால், ஈறுகளுக்கும் எனாமலுக்கும் எந்தப் பாதிப்பும் இல்லாமல், பற்களை நன்றாக சுத்தப்படுத்த முடியும் .
#3
கட்டுக்கதை: பற்களை வெண்மையாக்கும் ஸ்ட்ரிப் எனாமலை பாதிக்கும்
பற்களை வெண்மையாக்கும் ஸ்ட்ரிப் (Whitening Strips) பற்களின் எனாமலை காலப்போக்கில் பாதிக்கும் என்பதும் ஒரு பொதுவான தவறான கருத்து. ஆனால், சரியான வழிகாட்டுதலுடன் பயன்படுத்தினால், இந்த ஸ்ட்ரிப் பெரும்பாலான மக்களுக்குப் பாதுகாப்பானது மற்றும் பயனுள்ளது. முக்கியமான விஷயம் என்னவென்றால், பயன்பாட்டு வழிமுறைகளை கவனமாக பின்பற்றி, பரிந்துரைக்கப்பட்ட அளவைவிட அதிகமாக பயன்படுத்தக் கூடாது. எந்த ஒரு வெண்மைப்படுத்தும் சிகிச்சையை ஆரம்பிப்பதற்கு முன்பு, ஒரு பல் டாக்டரை சந்தித்து, உங்கள் தேவைக்கு ஏற்ற தனிப்பட்ட ஆலோசனைகளைப் பெறலாம்.
#4
கட்டுக்கதை: மவுத்வாஷ் பல் துலக்குவது / ஃப்ளாசிங் செய்வதற்குப் பதில்
மவுத்வாஷ் பயன்படுத்துவது பல் துலக்குவதற்கோ அல்லது ஃப்ளாசிங் செய்வதற்கோ மாற்றாக இருக்கு என சிலர் நினைப்பதுண்டு. ஆனால் அதுவும் தவறு. மவுத்வாஷ் வாய் நாற்றத்தைப் போக்கலாம், சில பாக்டீரியாக்களை அழிக்கலாம். ஆனால், பல் துலக்குவதும் ஃப்ளாசிங் செய்வதும் போல, ப்ளேக்கை நீக்க முடியாது. மவுத்வாஷை உங்கள் வாய் சுகாதார வழக்கத்துடன் ஒரு துணைச் சாதனமாக பயன்படுத்தலாமே தவிர, பல் துலக்குவதற்கோ அல்லது ஃப்ளாசிங் செய்வதற்கோ பதிலாக பயன்படுத்தக் கூடாது.
#5
கட்டுக்கதை: பல் டாக்டரை அவசரத்துக்கு மட்டுமே பார்க்க வேண்டும்
நிறைய பேர், பல் டாக்டரை அவசர தேவைக்கோ அல்லது வலி, அசௌகரியம் இருக்கும்போது மட்டும்தான் பார்க்கவேண்டும் என நினைக்கிறார்கள். ஆனால், அவ்வப்போது பரிசோதனை செய்துக்கொள்வது, கேவிட்டிஸ் அல்லது ஈறு நோய் போன்ற பெரிய பிரச்சனைகளை (உதாரணத்துக்கு, ரூட் கெனால் அல்லது பல் எடுத்தல் போன்ற விரிவான சிகிச்சைகள் தேவைப்படும் அளவுக்கு) மாறுவதற்கு முன்னரே அதைக் கண்டுபிடிக்கவும், தடுக்கவும் உதவும்.