காலை உணவைத் தவிர்க்கிறீர்களா? கெட்ட கொலஸ்ட்ரால் எகிறும் என்கிறார்கள் நிபுணர்கள்
செய்தி முன்னோட்டம்
உயர் கொலஸ்ட்ரால் பாதிப்பு உள்ளவர்கள், காலையில் தூக்கத்திலிருந்து எழுந்த இரண்டு மணி நேரத்திற்குள் உணவை உட்கொள்வது அவசியம் எனப் புதிய ஆய்வுகள் எச்சரிக்கின்றன. காலை உணவை தவிர்ப்பது LDL எனப்படும் கெட்ட கொலஸ்ட்ரால் அளவை அதிகரித்து, இதய நோய் மற்றும் தமனி பாதிப்புகளுக்கு (Atherosclerosis) வழிவகுக்கும் என்று அமெரிக்க இதய சங்கம் (AHA) தெரிவித்துள்ளது. காலை உணவைத் தவிர்ப்பது வெறும் கொலஸ்ட்ரால் அளவை மட்டும் பாதிப்பதில்லை, மாறாக ஒட்டுமொத்த உடல் வளர்சிதை மாற்றத்தையும் சீர்குலைக்கிறது.
பாதிப்புகள்
உணவை தவிர்ப்பதால் ஏற்படும் முக்கிய பாதிப்புகள்
ரத்த அழுத்தம்: வாரத்தில் மூன்று நாட்களுக்கும் குறைவாக காலை உணவு உண்பவர்களுக்கு உயர் இரத்த அழுத்தம் ஏற்படும் அபாயம் அதிகம். இதய நோய்கள்: தமனிகளில் கொழுப்பு படிந்து இரத்த ஓட்டம் தடைபடுவதால் மாரடைப்பு ஏற்படும் வாய்ப்பு அதிகரிக்கிறது. நீரிழிவு மற்றும் மனநலம்: காலை உணவை தவிர்ப்பவர்களுக்கே டைப்-2 நீரிழிவு நோய் மற்றும் மன அழுத்தம் ஏற்படுவதற்கான வாய்ப்புகள் அதிகம் என ஆய்வுகள் கூறுகின்றன.
அறிவுறுத்தல்
கொலஸ்ட்ராலை குறைக்க என்ன சாப்பிட வேண்டும்?
சாப்பிடுகிறோம் என்பதை விட எதைச் சாப்பிடுகிறோம் என்பது மிக முக்கியம். கொழுப்பைக் குறைக்க உதவும் காலை உணவு முறைகள்: 1. நார்ச்சத்து மிகுந்த உணவுகள்: ஓட்ஸ் மற்றும் முழு தானியங்கள் குடலில் கொழுப்பு உறிஞ்சப்படுவதைக் குறைக்கும். 2. பழங்கள் மற்றும் காய்கறிகள்: வைட்டமின்கள் மற்றும் தாதுக்கள் நிறைந்த புதிய பழங்களை சேர்க்க வேண்டும். 3. ஒமேகா-3 கொழுப்பு அமிலங்கள்: மீன் அல்லது யோகர்ட் போன்றவற்றை சேர்ப்பது கெட்ட கொலஸ்ட்ராலை குறைக்கும். 4. தவிர்க்க வேண்டியவை: பதப்படுத்தப்பட்ட இறைச்சி மற்றும் அதிக உப்பு நிறைந்த உணவுகளை முற்றிலும் தவிர்க்க வேண்டும்.