'தேவதை கண்டேன்' பட பாணியில், தன்னை ஏமாற்றிய காதலிக்கு பாடம் புகட்டிய காதலன்
'ஹார்ட் பிரேக் இன்சூரன்ஸ் ஃபண்ட்' குறித்து கேள்விப்பட்டிருக்கிறீர்களா? ஆம், காதலில் இருக்கும் இருவரில், எவர் ஏமாற்றினாலும், அந்த இன்சூரன்ஸ் பணம் அனைத்தையும் ஏமாற்றப்பட்டவர் எடுத்துக்கொள்ளலாம். தனுஷ் நடிப்பில் சில ஆண்டுகளுக்கு முன்னர் வெளியான 'தேவதையை கண்டேன்' என்ற திரைப்படத்தில், தனுஷ் தன்னை காதலித்து ஏமாற்றிய ஸ்ரீதேவி மீதி நீதிமன்றத்தில் புகார் தந்து, அவரால் ஏற்பட்ட மன உளைச்சலுக்கு நீதி கேட்டிருப்பார். அதே பாணியில், சற்று வித்தியாசமாக, பிரதீக் ஆர்யன் என்பவர்,தனது காதலி தன்னை ஏமாற்றியதால், தனக்கு ரூ.25,000 இன்சூரன்ஸ் பணம் கிடைத்ததாக கூறியுள்ளார். அவரின் பதிவின்படி, காதலிக்க ஆரம்பித்தபோது, இருவரும், ஒரு ஜாயின்ட் அக்கௌன்ட்டில், மாதந்தோறும் இருவரும், ரூ.500 டெபாசிட் செய்ததாக கூறியுள்ளார்.
ஹார்ட் பிரேக் அப் இன்ஷுரன்ஸ்
I got Rs 25000 because my girlfriend cheated on me .When Our relationship started we deposited a monthly Rs 500 each into a joint account during relationship and made a policy that whoever gets cheated on ,will walk away with all money.
— Prateekaaryan (@Prateek_Aaryan) March 15, 2023
That is Heartbreak Insurance Fund ( HIF ).
ஹார்ட் பிரேக் இன்சூரன்ஸ் ஃபண்ட்
காதல் உறவில், இருவரில் யாரேனும் மற்றவரை ஏமாற்றினால், ஏமாற்றுபவர்கள், ஏமாறியவர்களுக்கு முழுப் பணத்தையும் தருவது என இருவரும் ஒருமனதாக முடிவு செய்ததாகவும் அவர் கூறியுள்ளார். அதற்கு பெயராக, 'ஹார்ட் பிரேக் இன்சூரன்ஸ் ஃபண்ட்' எனவும் குறிப்பிட்டுள்ளார். தற்போது ப்ரதீக் ஆர்யனை, அவரின் காதலி ஏமாற்றியதாகவும், அந்த பிரேக்கப்பிற்கு பிறகு, தனக்கு ஹார்ட் பிரேக் இன்சூரன்ஸ் ஃபண்ட்டாக ரூ.25,000 கிடைத்ததாக அவர் ட்விட்டரில் பதிவிட்டுள்ளார். அவரின் இந்த ட்விட்டர் பதிவு இணையத்தில் வைரலாகி வருகிறது. பலரும் அவரது இந்த வித்தியாசமான ஐடியாவிற்கு ஆதரவு தெரிவித்தும் உள்ளனர்.
