சுரங்கத்திற்குள் சிக்கியுள்ள தொழிலாளர்களை மீட்க பயன்படுத்தவுள்ள எலி துளை சுரங்கம் என்றால் என்ன?
செய்தி முன்னோட்டம்
15 நாட்களுக்கும் மேலாக, உத்தரகாண்ட் சுரங்கத்திற்குள் அடைப்பட்ட தொழிலாளர்களை மீட்க மாநில அரசு போராடி வருகிறது.
இடிந்து விழுந்த சில்க்யாரா-பார்கோட் சுரங்கப்பாதையில் சிக்கிய 41 தொழிலாளர்களை விடுவிக்க எடுக்கப்பட்ட பல முயற்சிகளுக்குப் பிறகு, பல பெரிய பின்னடைவுகளுக்கு பிறகு, உடைப்பட்ட ஆகர் இயந்திரத்தின் பிளேடுகள் தற்போது எடுக்கப்பட்டு, தற்போது எலி துளை சுரங்க நடைமுறையைப் பயன்படுத்தி மீதமுள்ள சில மீட்டர்களில் துளையிட திட்டமிட்டுள்ளனர் நிபுணர்கள்.
அதாவது மீட்பு குழு, இயந்திர உதவியின்றி, கையால் துளையிடுவது ஆகும்.
card 2
எலி துளை சுரங்கம் என்றால் என்ன?
எலி துளை சுரங்கம் என்பது மேகாலயாவில் பரவலாக உள்ள குறுகிய, கிடைமட்ட சுரங்கங்களிலிருந்து நிலக்கரியைப் தோண்டியெடுக்க பயன்படுத்தப்படும் முறையாகும்.
"எலி துளை" என்பது தரையில் தோண்டப்படும் ஆழ்துளை குழிகளைக் குறிக்கிறது.
அதன் அகலம், ஒரு நபர், உள்ளே இறங்கி நிலக்கரியைப் தோண்டி எடுக்கும் அளவுக்கு பெரியது.
குழிகளைத் தோண்டியவுடன், சுரங்கத் தொழிலாளர்கள் கயிறுகள் அல்லது மூங்கில் ஏணிகளைப் பயன்படுத்தி நிலக்கரி சுரங்கத்தை அடைவார்கள்.
பிகாக்ஸ், மண்வெட்டிகள் மற்றும் கூடைகள் போன்ற பழமையான கருவிகளைப் பயன்படுத்தி நிலக்கரி கைமுறையாக பிறிதெடுக்கப்படும்.
இந்த கருவிகளுடன், மனிதர்கள் உள்ளே இறங்கும் அளவிற்கு அந்த குழியின் அகலம் இருக்கும்
card 3
இரு வகை எலி துளைகள்
நிபுணர்களின் கூற்றுப்படி, எலி துளை சுரங்கம் பரவலாக இரண்டு வகைகளில் உள்ளது.
ஒன்று, மலையின் பக்கவாட்டில், சரிவுகளில் குடைவது.
இரண்டாவது முறை, பாக்ஸ்-கட்டிங் எனப்படுவது. அதில், 10 முதல் 100 சதுர மீட்டர் வரை ஒரு செவ்வக நுழைவாயில் தோண்டப்பட்டு, அதன் பின்னர், 100 முதல் 400 அடி ஆழம் வரை செங்குத்து குழி தோண்டப்படுகிறது.
card 4
சுற்றுச்சூழல் மற்றும் பாதுகாப்பு கவலைகளில் தடை
எலி துளை சுரங்கம் என்பது பலதரப்பட்ட பாதுகாப்பு மற்றும் சுற்றுச்சூழல் அபாயங்களை முன்வைத்தது.
பொதுவாக சுரங்கங்கள் ஒழுங்குபடுத்தப்படாதவை, மனித உயிருக்கு பல நேரங்களில் அச்சுரத்தில் விளைவிப்பவை.
சரியான காற்றோட்டம், கட்டமைப்பு ஆதரவு அல்லது தொழிலாளர்களுக்கான பாதுகாப்பு கியர் போன்ற பாதுகாப்பு நடவடிக்கைகள் இல்லை என பல காரணங்கள் முன்வைக்கப்பட்டன.
கூடுதலாக, சுரங்க செயல்முறை, இயற்கை சீரழிவு, காடழிப்பு மற்றும் நீர் மாசுபாட்டை ஏற்படுத்தும் போன்ற காரணிகளால், இந்த எலி துளை நடைமுறைக்கு தடை விதிக்கப்பட்டது.
card 5
எப்போது தடை செய்யப்பட்டது?
தேசிய பசுமைத் தீர்ப்பாயம் (NGT) 2014 இல் இந்த நடைமுறைக்கு தடை விதித்தது.
மேலும் 2015 இல் தடையை தொடர்ந்தது. NGT இது பற்றி கூறும் போது, "எலி துளை சுரங்கத்தின் மூலம், மழைக்காலத்தில், சுரங்கப் பகுதிகளில் தண்ணீர் பெருக்கெடுத்து ஓடுவதால், எண்ணற்ற அசம்பாவிதங்கள் நடந்துள்ளன".
மேலும், இந்த உத்தரவு மேகாலயாவுடன் தொடர்புடையது.
காரணம் அங்கு உள்ள நிலக்கரி சுரங்கத்தில் தான் இது நடைமுறையில் இருந்தது.
எனினும், இந்த உத்தரவை எதிர்த்து மாநில அரசு உச்ச நீதிமன்றத்தில் மேல்முறையீடு செய்தது குறிப்பிடத்தக்கது.