மேற்கு வங்காளத்தில் இறுதிக்கட்ட வாக்குப்பதிவின் போது பெரும் வன்முறை
செய்தி முன்னோட்டம்
மேற்கு வங்காளத்தின் தெற்கு 24 பர்கானாஸ் மாவட்டத்தில் உள்ள குல்தாலி என்ற இடத்தில் உள்ள வாக்குச்சாவடிக்குள் ஒரு ஆத்திரமடைந்த கும்பல் ஊடுருவி, அங்கிருந்த மின்னணு வாக்குப்பதிவு இயந்திரத்தை(EVM) அருகில் உள்ள குளத்தில் வீசினர். இது அப்பகுதியில் பெரும் பிரச்னையை ஏற்படுத்தியது.
சில வாக்குச்சாவடி முகவர்கள் சாவடிக்குள் நுழைய தடை விதிக்கப்பட்டதால் பரபரப்பு ஏற்பட்டது.
இந்த விலக்கு உள்ளூர் மக்களிடையே கோபத்தைத் தூண்டியது. அதனால் அவர்கள் வாக்குசாவடி நிலையங்களுக்குள் வலுக்கட்டாயமாக நுழைந்தனர்.
வாக்காளர் சரிபார்க்கப்பட்ட தணிக்கைத் தடம்(VVPAT) பொருத்தப்பட்ட EVMஐ வலுக்கட்டாயமாக அவர்கள் கைப்பற்றி, அதை குளத்தில் தூக்கி வீசினர்.
மேலும், கொல்கத்தா ஜாதவ்பூர் மக்களவைத் தொகுதியில் உள்ள சதுலியா பகுதியில் பதற்றம் அதிகரித்தது.
இந்தியா
நாட்டு வெடிகுண்டுகள் வீசப்பட்டதால் பரபரப்பு
இந்திய மதச்சார்பற்ற முன்னணி(ஐஎஸ்எஃப்) மற்றும் சிபிஐ(எம்) ஆகியவற்றின் தொழிலாளர்கள் மற்றும் ஆதரவாளர்கள் மீது தாக்குதல்கள் நடத்தப்பட்டதாகக் கூறப்படும் குற்றச்சாட்டுகளுக்கு மத்தியில் இன்று காலை அப்பகுதியில் வன்முறை வெடித்தது.
இந்த மோதலில் பல ISF உறுப்பினர்கள் காயமடைந்தனர். மேலும். அந்த இடத்தில் நாட்டு வெடிகுண்டுகள் வீசப்பட்டதால் நிலைமை மோசமடைந்தது.
மேற்கு வங்காளத்தில் 9 தொகுதிகளுக்கான மக்களவைத் தேர்தலின் ஏழாவது மற்றும் கடைசி கட்ட வாக்குப்பதிவு இன்று காலை 7 மணிக்கு பலத்த பாதுகாப்புக்கு மத்தியில் தொடங்கியது.
டம் டம், பராசத், பாசிர்ஹாட், ஜெய்நகர், மதுராபூர், டயமண்ட் ஹார்பர், ஜாதவ்பூர், கொல்கத்தா தக்ஷின் மற்றும் கொல்கத்தாவில் மாலை 6 மணி வரை வாக்குப்பதிவு நடைபெறும்.