சாதனை மாணவி நந்தினிக்கு, நேரில் சென்று தங்கபேனாவை பரிசளித்தார் வைரமுத்து
மாநில +2 தேர்வு முடிவுகள் இரு தினங்களுக்கு முன்னர்(மே.,8) வெளியானது. அதில், திண்டுக்கல் மாவட்டத்தினை சேர்ந்த நந்தினி 600/600 என்று முழு மதிப்பெண்களை எடுத்து சாதனை படைத்தார். அவர் ஒரு தச்சு தொழிலாளியின் மகள் என்பது கூடுதல் செய்தி. அந்த மாணவியை, தமிழக முதல்வர் மு.க.ஸ்டாலின் நேரில் அழைத்து வாழ்த்து தெரிவித்து, அவரின் மேற்படிப்பு செலவுகளை அரசு ஏற்கும் என்றும் அறிவித்தார். இதற்கிடையே மாணவி நந்தினியை பாராட்டி, கவிஞர் வைரமுத்துவும் ஒரு ட்வீட் செய்தார். அதில், அண்மையில் நான் பெற்ற தங்க பேனாவை தங்கை நந்தினிக்கு தருகிறேன். திண்டுக்கல் வருகிறேன், நேரில் தருகிறேன் என்று குறிப்பிட்டார். அதை தொடர்ந்து, இன்று நந்தினியின் வீட்டிற்கு நேராக சென்ற வைரமுத்து, நந்தினிக்கு தங்க பேனாவை பரிசளித்தார்.
