ஜூலை 23ஆம் தேதி தாக்கல் செய்யப்பட உள்ளது மத்திய பட்ஜெட் 2024
செய்தி முன்னோட்டம்
2024-25ஆம் நிதியாண்டுக்கான மத்திய பட்ஜெட் ஜூலை 23ஆம் தேதி மக்களவையில் தாக்கல் செய்யப்பட உள்ளது.
மேலும், நாடாளுமன்றத்தின் பட்ஜெட் கூட்டத்தொடர் ஜூலை 22 முதல் ஆகஸ்ட் 12ஆம் தேதி வரை நடைபெறும் என்று நாடாளுமன்ற விவகாரத்துறை அமைச்சர் கிரண் ரிஜிஜு அறிவித்துள்ளார்.
இந்த அறிவிப்பை ட்விட்டரில் வெளியிட்ட மத்திய அமைச்சர் கிரண் ரிஜிஜு, "இந்திய அரசின் பரிந்துரையின் பேரில், 2024ஆம் ஆண்டுக்கான பட்ஜெட் கூட்டத்தொடருக்கு நாடாளுமன்றத்தின் இரு அவைகளையும் கூட்டுவதற்கான முன்மொழிவுக்கு மாண்புமிகு குடியரசுத் தலைவர் ஒப்புதல் அளித்துள்ளார். ஜூலை 22, 2024 முதல் ஆகஸ்ட் 12, 2024 வரை பட்ஜெட் கூட்டத்தொடர் நடைபெற உள்ளது." என்று கூறியுள்ளார்.
இந்தியா
வரி செலுத்துவோருக்கு சலுகைகளை அறிவிப்பாரா நிதியமைச்சர்?
நரேந்திர மோடி தலைமையிலான தேசிய ஜனநாயக கூட்டணி அரசின் முழு பட்ஜெட்டை மத்திய நிதியமைச்சர் நிர்மலா சீதாராமன் தாக்கல் செய்ய உள்ளார்.
முன்னதாக, மக்களவைத் தேர்தலை முன்னிட்டு, கடந்த பிப்ரவரி 1-ஆம் தேதி நாடாளுமன்றத்தில் இடைக்கால பட்ஜெட் தாக்கல் செய்யப்பட்டது.
மத்திய பட்ஜெட் 2024க்கான தேதிகள் அறிவிக்கப்பட்டுள்ள நிலையில், மோடி 3.0 அரசாங்கத்தின் கீழ் நிதியமைச்சர் வரி செலுத்துவோருக்கு சில சலுகைகளை அறிவிக்கலாம் என்ற அதிக எதிர்பார்ப்புகளும் ஊகங்களும் உள்ளன.
யூனியன் பட்ஜெட்டில் கிராமப்புற வீடுகளுக்கான மாநில மானியங்களை அதிகரிக்க மத்திய அரசு தயாராகி வருகிறது. கடந்த ஆண்டை விட 50% வரை இதை அதிகரிக்க மத்திய அரசு திட்டமிட்டுள்ளது. எனவே இது 6.5 பில்லியன் அமெரிக்க டாலர்களை தாண்டும் என்று எதிர்பார்க்கப்படுகிறது.
ட்விட்டர் அஞ்சல்
மத்திய அமைச்சர் கிரண் ரிஜிஜுவின் பதிவு
Hon’ble President of India, on the recommendation of Government of India, has approved the proposal for summoning of both the Houses of Parliament for the Budget Session, 2024 from 22nd July, 2024 to 12 August, 2024 (Subject to exigencies of Parliamentary Business). Union Budget,…
— Kiren Rijiju (@KirenRijiju) July 6, 2024