குற்ற செயல்களை தடுக்க ரயில் பாதைகளில் சிசிடிவி கேமரா - ரயில்வே பாதுகாப்பு படை
செய்தி முன்னோட்டம்
தெற்கு ரயில்வேயில் சென்னை உட்பட 6 கோட்டங்களில் 725 ரயில் நிலையங்கள் உள்ளதாக செய்திகள் தெரிவிக்கிறது.
இவற்றுள் திருவனந்தபுரம், சென்னை, கோவை, திருச்சி உள்ளிட்ட இடங்களில் உள்ள ரயில்வே நிலையங்களில் பயணிகள் கூட்டம் அதிகரித்து வருகிறது.
இதில் பயணிகள் போலவே வரும் சிலர் கொள்ளை, கஞ்சா கடத்தல் உள்ளிட்ட குற்றச்செயல்களில் ஈடுபட்டு வருவதாக தகவல்கள் வெளியாகிய வண்ணம் உள்ளது.
இதனால், அவர்களின் பாதுகாப்பினை பொருட்டும், குற்றம் மற்றும் சதி செயல்கள் ரயில்கள் மற்றும் ரயில் பாதைகளில் தடுக்க ஆர்.பி.எப்., எனப்படும் ரயில்வே பாதுகாப்பு படையினர் அதிரடி நடவடிக்கையினை மேற்கொள்ளவுள்ளார்கள்.
இந்த நடவடிக்கை குறித்து பாதுகாப்புப்படை அதிகாரிகள் கூறுகையில், சமீபக்காலங்களில் ரயில்கள் மற்றும் ரயில் பாதைகளில் சதி செயல்கள் அதிகரித்து வருகிறது என்று கூறியுள்ளனர்.
சிசிடிவி
பயணிகள் அதிகம் கூடும் ரயில் நிலையங்களில் பாதுகாப்பு அதிகரிப்பு
மேலும் அவர்கள் பேசுகையில், சதி செயல்களில் ஈடுபட்டு வரும் சிலரை நாங்கள் பிடித்து விசாரித்தோம்.
அதில் பெரும்பாலானோர் போதை ஆசாமிகள்.
இதனையடுத்து முக்கியமான 50 இடங்கள் தேர்வு செய்யப்பட்டு அப்பகுதிகளில் பாதுகாப்பினை அதிகரிக்கவும், ரயில் பாதைகளில் சிசிடிவி கேமரா பொருத்தவும் திட்டமிட்டுள்ளோம்.
சென்னை, காட்பாடி, தண்டையார்பேட்டை, திருவள்ளூர், திருவாரூர், மயிலாடுதுறை, காரைக்குடி, விழுப்புரம், திண்டுக்கல் உள்ளிட்ட இடங்கள் மற்றும் கேரளாவில் சொர்னூர், திரூர், போன்ற 50 இடங்களில் பாதுகாப்பு அதிகரிக்கப்பட்டுள்ளது.
அதே போல் ரயில் பாதைகளுக்கு ஏற்றார் போல், ஒரு இடத்திற்கு 10 சிசிடிவி கேமராக்கள் வரை பொருத்தப்பட்டு கண்காணிப்பினை தீவிரப்படுத்த உள்ளோம் என்று கூறியுள்ளார்கள் என்பது குறிப்பிடத்தக்கது.