தமிழ்நாடு அங்கன்வாடி ஊழியர்களுக்கு 15 நாட்கள் விடுமுறை அறிவிப்பு - தமிழக அரசு
செய்தி முன்னோட்டம்
தமிழ்நாடு மாநிலத்தில் அங்கவன்வாடி ஊழியர்களுக்கு கோடை விடுமுறையாக 15 நாட்கள் விடுமுறை என தமிழக அரசு அறிவிப்பு ஒன்றினை வெளியிட்டுள்ளது.
இதுகுறித்து சமூக நலன் மற்றும் மகளிர் உரிமைத்துறை வெளியிட்டுள்ள அறிக்கையில், அங்கன்வாடி பணியாளர்களுக்கு வரும் மே 10ம்தேதி முதல் 24ம்தேதி வரை விடுமுறை வழங்கப்படுகிறது.
இந்த நாட்களில் அங்கன்வாடிக்கு வரும் குழந்தைகளுக்கு 'ஊட்டச்சத்தை உறுதி செய்'என்னும் திட்டத்தின் கீழ், ஊட்டச்சத்து பெட்டகம் வழங்க ஏற்பாடு செய்யப்பட்டு வருவதாக கூறப்படுகிறது.
தொடர்ந்து இந்த பெட்டகமானது மே 9ம்தேதியே வழங்கப்படவுள்ளது.
2 முதல் 6 வயது முன்பருவக்கல்வி பயிலும் குழந்தைகளுக்கு ஒரு நாளுக்கு தற்போது வழங்கப்பட்டு வரும் 50 கிராம் சத்துமாவினை கணக்கிட்டு, 15 நாட்களுக்கு 750 கிராம் சத்துமாவினை வழங்க முடிவு செய்யப்பட்டுள்ளது.
விடுமுறை
சத்துமாவு வீட்டிற்கு கொடுத்து விடப்படும்
அவ்வாறு வழங்கப்படும் சத்துமாவினை வீட்டுக்கு கொண்டு சென்று பெற்றோர்கள் பயன்படுத்த அனுமதியும் வழங்கப்பட்டுள்ளது என்று கூறப்பட்டுள்ளது.
மேலும், மே மாதம் வழக்கத்தைவிட 50% குழந்தைகள் மட்டுமே மையங்களுக்கு வருவார்கள் என ஒருங்கிணைந்த குழந்தை வளர்ச்சி பணிகள் இயக்குனர் மற்றும் குழும இயக்குனர் தெரிவித்துள்ளார்.
அதன்படி, அந்த அளவிற்கான குழந்தை வளர்ச்சி பணிகள், இயக்குநர் மற்றும் குழும இயக்குனருக்கு அனுமதி வழங்கப்படுகிறது.
இதில் கூடுதல் தேவை ஏற்பட்டால், அது குறித்து தனியே பரிசீலிக்க வேண்டும் என்று ஒருங்கிணைந்த குழந்தை வளர்ச்சி பணிகள் இயக்குனர் மற்றும் குழும இயக்குனர் கேட்டுக்கொள்ளப்படுகிறார் என்று அந்த அறிக்கையில் கூறப்பட்டுள்ளது குறிப்பிடத்தக்கது.