தமிழக மீனவர்கள் 16 பேரை இலங்கை விடுதலை செய்ய நடவடிக்கை வேண்டும் - தமிழக முதல்வர் பிரதமருக்கு கடிதம்
செய்தி முன்னோட்டம்
தமிழக மீனவர்கள் 16 பேரை இலங்கை விடுவிக்க நடவடிக்கை மேற்கொள்ள வேண்டும் என்று தமிழக முதல்வர் மு.க.ஸ்டாலின் அவர்கள் பிரதமர் மோடிக்கு கடிதம் ஒன்றினை எழுதியுள்ளார்.
அதில், நாகப்பட்டினம் மற்றும் புதுக்கோட்டை மாவட்டங்களை சேர்ந்த 16 மீனவர்களை இலங்கை கடற்படையினர் கடந்த 12ம் தேதி அவர்களது 2 விசைப்படகுகளுடன் சிறைபிடிக்கப்பட்டுள்ளார்கள்.
இது போன்று இலங்கை கடற்படை தமிழக மீனவர்கள் மீது தாக்குதல் நடத்தும் சம்பவம் இந்த ஒரு மாதத்தில் 3வது முறையாக நடந்துள்ளது.
மீன் பிடி தொழிலினை தங்கள் வாழ்வாதாரமாக கொண்டு வாழும் மீனவர்களுக்கு இது போன்ற சம்பவங்கள் அவர்கள் மனதில் அச்ச உணர்வினை உருவாக்குகின்றன என்று குறிப்பிட்டுள்ளார்.
இலங்கை கடற்படை தாக்குதல்
உடனடியாக இந்த விவகாரத்தில் தலையிட வேண்டும் என கோரிக்கை விடுத்த முதல்வர்
மேலும் அவர், இதுகுறித்து மத்திய வெளியுறவுத்துறை அமைச்சர் கவனத்திற்கு கொண்டு சென்றதாகவும், அவரும் இலங்கை அரசின் கவனத்திற்கு கொண்டு சென்றார்.
ஆனாலும் இது போன்ற சம்பவங்கள் தொடர் கதையாக அரங்கேறி வருகிறது என்றும் கூறியுள்ளார்.
இதனை தொடர்ந்து அவர் அந்த கடிதத்தில், நமது மீனவர்களின் பாரம்பரிய மீன்பிடி உரிமைகள் நிரந்தரமாக பாதுகாக்கப்படுவதை உறுதி செய்யவும்,
இனி இவ்வாறு நிகழாமல் இருக்கவும் நீங்கள் உடனடியாக இந்த விவகாரத்தில் தலையிட வேண்டும்.
சிறைபிடிக்கப்பட்ட 16 மீனவர்களையும், முன்னதாக சிறைபிடிக்கப்பட்ட 102 மீன்பிடி படகுகளையும் விரைவில் விடுவிக்க தேவையான தூதரக நடவடிக்கைகளை எடுக்க வேண்டும் என்று கேட்டுக்கொள்கின்றேன் என்று எழுதியுள்ளார்.