விஜய் பிறந்தநாள் கொண்டாட்டங்களில் தவெக நிர்வாகிகளிடையே மோதல்; ஆறு பேருக்கு காயம்
செய்தி முன்னோட்டம்
கிருஷ்ணகிரி மற்றும் திருவண்ணாமலை மாவட்டங்களில் தமிழக வெற்றிக் கழகத் (தவெக) தலைவரும் நடிகருமான விஜயின் பிறந்தநாளைக் கொண்டாடும் நிகழ்வுகள் மோதலில் முடிந்தது கட்சியினரிடையே அதிருப்தியை ஏற்படுத்தியுள்ளது. கட்சி ஏற்பாடு செய்த நிகழ்வுகளின் போது கட்சிக்குள் மோதல்கள் வெடித்தன. இதனால் காயங்கள் மற்றும் காவல்துறையினர் தலையீடு ஏற்பட்டது. கிருஷ்ணகிரியில், நகரச் செயலாளர் சசிகுமார் மரக்கன்றுகள் நடுதல் மற்றும் உதவி விநியோகம் உள்ளிட்ட நலத்திட்ட நடவடிக்கைகளை ஏற்பாடு செய்தார். எனினும், இந்த நிகழ்வு நடந்த பகுதியின் உள்ளூர் கிளைத் தலைவர் நாகராஜ் தனது பகுதியில் முன்னறிவிப்பு இல்லாமல் நடத்தப்பட்டதாக கூறி எதிர்ப்பு தெரிவித்தார். அப்போது சசிகுமாரின் கூட்டாளியான தப்ரேஸ், நாகராஜை கத்தியைக் காட்டி மிரட்டியதாகக் கூறப்படுகிறது.
காயம்
திருவண்ணாமலையில் பிரச்சினை
இந்த மோதல் முற்றி இருதரப்பினரும் மோதிக்கொண்டதில் சம்பவ இடமே களேபரமாக மாறியது. மேலும், இந்த சம்பவத்தில் ஆறு பேர் காயமடைந்தனர். காயமடைந்தவர்கள் கிருஷ்ணகிரி அரசு மருத்துவமனையில் அனுமதிக்கப்பட்டனர். இதையடுத்து காவல்துறையினர் சம்பவ இடத்திற்கு சென்று விசாரணை நடத்தினர். இதேபோல் திருவண்ணாமலையில், தவெக வடக்கு மாவட்ட செயலாளர் சத்யா தலைமையில் நடைபெற்ற பால்குடம் ஊர்வலத்தின் போது, அம்பேத்கர் நகரைச் சேர்ந்த மூத்த உறுப்பினர் ஹாரிஸ், 13 ஆண்டுகள் விஜய் மக்கள் இயக்கத்தில் பணியாற்றிய போதிலும், தன்னை ஒதுக்கி வைப்பதாக குற்றம் சாட்டினார். இதையடுத்து காவல்துறையினர் தலையிட வேண்டிய சூழல் ஏற்பட்டது. ஹாரிஸ் தனது குற்ற வழக்குக்காக கட்சியிலிருந்து நீக்கப்பட்டு விட்டதாக சத்யா பின்னர் தெரிவித்தார்.