கிறிஸ்தவ நிர்வாகியை கண்டித்து இந்து முன்னணியினர் சென்னிமலையில் போராட்டம்
செய்தி முன்னோட்டம்
ஈரோடு மாவட்டத்தில் உள்ள சென்னிமலை, கிறிஸ்தவ மலையாக மாற்றப்படும் என பேசிய கிறிஸ்தவ முன்னணி அமைப்பைச் சேர்ந்த நிர்வாகியை கண்டித்து, சென்னிமலையில் இந்து முன்னணியின் சார்பில் ஆயிரக்கணக்கானோர் போராட்டத்தில் ஈடுபட்டனர்.
மேற்கு தமிழ்நாட்டில் முக்கிய முருகன் கோவில்களில் ஒன்றான சென்னிமலை முருகன் கோவில், அருணகிரிநாதரால் கந்த சஷ்டி கவசம் அரங்கேற்றப்பட்ட இடம்.
மாடுகள் மலையேறி தீர்த்தம் எடுத்து வரும் அதிசயம் என பல்வேறு தனிச்சிறப்புகளால் ஆனது சென்னிமலை முருகன் கோவில்.
இந்த மலையை கல்வாரி மலையாக மாற்றப்படும் என கிறிஸ்தவ முன்னணி அமைப்பைச் சேர்ந்த ஒருவர் பேசியதற்கு எதிராக, நேற்று பல்லாயிரக்கணக்கானோர் இந்து முன்னணி அமைப்பின் சார்பில் போராட்டத்தில் ஈடுபட்டனர்.
2nd card
சர்ச்சையின் தொடக்கப் புள்ளி எது?
இந்த சர்ச்சையின் தொடக்கப் புள்ளியாக கிறிஸ்துவ குடும்பத்தின் மீது நடத்தப்பட்ட தாக்குதல் என கூறப்படுகிறது.
கடந்த சில தினங்களுக்கு முன்பு, தனது குடும்பத்தினருடன் ஜெபம் செய்து வந்த ஜான் பீட்டர் என்பவர் கட்டாய மதமாற்றத்தில் ஈடுபடுவதாக பிரச்சனை எழுந்தது.
இந்த பிரச்சனையில் இந்து அமைப்பினரால், செப்டம்பர் 17 ஆம் தேதி ஜான் பீட்டர் தாக்கப்பட்டதாக கூறப்படுகிறது.
ஜான் பீட்டர் தாக்கப்பட்டதற்கு எதிராக, செப்டம்பர் 25 ஆம் தேதி கிறிஸ்தவ முன்னணியினர் நடத்திய போராட்டத்தில் பேசிய ஒருவர், சென்னிமலை கல்வாரி மலையாக மாற்றப்படும் என சர்ச்சைக்குரிய வகையில் பேசினார்.
இதற்கு எதிராக இந்து முன்னணி தலைமையில் ஆயிரக்கணக்கானோர் ஆர்ப்பாட்டத்தில் ஈடுபட்டது குறிப்பிடத்தக்கது.
3rd card
சென்னிமலையில் தனிப்பிரிவு காவல்துறையினர் விசாரணை
ஜான் பீட்டர், தன்னை தாக்கியவர்களை கைது செய்ய கோரி சென்னிமலை காவல் நிலையத்தில் அளித்த புகாரில் இதுவரை இருவர் கைது செய்யப்பட்டுள்ளனர். மேலும் இதுவரை போலீசார் தேடி வருகின்றனர்.
இந்நிலையில், கிறிஸ்தவ முன்னணி சார்பில் சென்னிமலை காவல் நிலையத்தில் அளிக்கப்பட்ட கடிதத்தில்,
"கடந்த 25 ஆம் தேதி நடந்த போராட்டத்தில் எங்கள் அனுமதியின்றி ஒருவர் சர்ச்சைக்குரிய வகையில் பேசி உள்ளார். இதை நாங்கள் எந்த வகையிலும் ஏற்றுக் கொள்ளவில்லை."
"அப்படி அவர் பேசியதற்கு நாங்கள் மன்னிப்பு கேட்டுக்கொள்கிறோம்" என எழுதப்பட்டிருந்தது.
இந்த விவகாரம் தற்போது பூதாகரமாகியுள்ள நிலையில் தனிப்பிரிவு காவல்துறையினர் ரகசிய விசாரணையில் ஈடுபட்டு வருவதாக தகவல் வெளியாகி உள்ளது.