போதைப்பொருள் கடத்தல் வழக்கில் தேடப்பட்டு வந்த ஜாபர் சாதிக் கைது
செய்தி முன்னோட்டம்
2,000 கோடி போதைப்பொருள் கடத்தல் வழக்கில் தேடப்பட்டு வந்த தமிழ்த் திரைப்பட தயாரிப்பாளர் ஜாபர் சாதிக், டெல்லி காவல்துறையின் சிறப்புப் பிரிவு மற்றும் போதைப்பொருள் கட்டுப்பாட்டு வாரியத்தால் இன்று கைது செய்யப்பட்டார்.
சர்வதேச போதைப்பொருள் கடத்தல் நெட்ஒர்க்கை முறியடிப்பதற்காக போதைப்பொருள் கட்டுப்பாட்டு பணியகம்(என்சிபி) மற்றும் டெல்லி காவல்துறையின் சிறப்புப் பிரிவு இணைந்து நடத்திய கூட்டு நடவடிக்கையின் ஒரு பகுதியாக, சமீபத்தில் மூன்று பேர் கைது செய்யப்பட்டனர்.
மேலும், போதைப்பொருள் தயாரிக்கப் பயன்படுத்தப்படும் ஏராளமான ரசாயனங்கள் டெல்லியில் கைப்பற்றப்பட்டன.
இந்நிலையில், டெல்லி போலீசார், என்சிபியுடன் இணைந்து சாதிக்கை இரண்டு வாரங்களாக தேடி வருகின்றது.
டெல்லி
50 கிலோ சூடோபெட்ரின் பறிமுதல்
குற்றம் சாட்டப்பட்ட மூன்று நபர்களும் டெல்லியில் கைது செய்யப்பட்டனர். அவர்களிடம் இருந்து 50 கிலோ சூடோபெட்ரின் பறிமுதல் செய்யப்பட்டது.
ஹெல்த் மிக்ஸ் பவுடர் மற்றும் டெசிகேட்டட் தேங்காய் போன்ற உணவுப் பொருட்களில் மறைத்து வைத்து விமானம் மற்றும் கடல் வழியாக போதைப்பொருள் கடத்தல் மேற்கொள்ளப்பட்டிருக்கிறது.
நியூசிலாந்து மற்றும் ஆஸ்திரேலியாவில் உள்ள அதிகாரிகளுடன் NCBயும் ஒத்துழைத்து வருகிறது.
நியூசிலாந்து மற்றும் ஆஸ்திரேலிய ஆகிய இரு நாடுகளுக்கும் அதிக அளவு சூடோபெட்ரைன் கடத்தப்படுவதாக தகவல் கிடைத்ததை அடுத்து, நியூசிலாந்து சுங்கம் மற்றும் ஆஸ்திரேலிய காவல்துறை இந்திய காவல்துறையுடன் தொடர்பில் உள்ளது.