'தி கேரளா ஸ்டோரி' படத்திற்கு எதிரான மனுக்களை ஏற்க உச்ச நீதிமன்றம் மறுப்பு
செய்தி முன்னோட்டம்
"தி கேரளா ஸ்டோரி" திரைப்படத்தின் வெளியீட்டைத் தடை செய்யக் கோரி தாக்கல் செய்யப்பட்ட மனுக்களை உச்ச நீதிமன்றம் ஏற்க மறுத்துள்ளது.
32 ஆயிரம் கேரள பெண்கள், லவ் ஜிகாத்தின் மூலம் மதமாற்றம் செய்யப்பட்டு, தீவிரவாதத்தில் சேர்க்கப்பட்டதாக "தி கேரளா ஸ்டோரி" திரைப்படத்தின் ட்ரைலர் கூறுகிறது.
இந்த படம் ஒரு மதத்தினர் மீது வெறுப்புணர்வை தூண்டுவது போல் இருக்கிறது என்றும் பிரச்சாரத்திற்காக இப்படி ஒரு படம் தயாரிக்கப்பட்டிருக்கிறது என்றும் கூறிய மனுதாரர்கள், இந்த படத்தை தடை செய்யக்கோரி உச்ச நீதிமன்றத்தில் மனு தாக்கல் செய்தனர்.
details
'தி கேரளா ஸ்டோரி' திரைப்படம் வரும் வெள்ளிக்கிழமை வெளியாக இருக்கிறது
இந்த மனுக்களை விசாரித்த நீதிபதிகள் கே.எம்.ஜோசப் மற்றும் பி.வி.நாகரத்னா ஆகியோர் அடங்கிய அமர்வு, "வெறுப்புப் பேச்சுகளில் பலவகைகள் உள்ளன. இந்த படத்திற்கு சான்றிதழ் கிடைத்திருக்கிறது. வாரியத்தின் அனுமதியையும் இந்த திரைப்படம் பெற்றுள்ளது. நீங்கள் திரைப்படத்தின் வெளியீட்டை தடை செய்ய விரும்பினால், சான்றிதழை வழங்கிய பொருத்தமான வாரியத்திடம் நீங்கள் இது குறித்து பேச வேண்டும்." என்று கூறி மனுதாரர்களின் மனுக்களை ஏற்க மறுத்தது.
மேலும், மனுதாரர் முதலில் உயர் நீதிமன்றத்தை தான் அணுக வேண்டும் என்று நீதிபதி நாகரத்னா கூறினார்.
ஆனால், இந்த திரைப்படம் வரும் வெள்ளிக்கிழமை வெளியிடப்பட இருப்பதால் அதற்கு தேவையான நேரமில்லை என்று மனுதாரர் சார்பில் பேசிய வழக்கறிஞர் நிஜாம் பாஷா தெரிவித்திருக்கிறார்.