காஞ்சிபுரத்தில் உருவாகும் புதிய சிட்கோ! 1,800 பேருக்கு வேலைவாய்ப்பு
செய்தி முன்னோட்டம்
தமிழ்நாடு காஞ்சிபுரம் மாவட்டத்தில் உள்ள வையாவூரில் 43 ஏக்கர் நில பரப்பில், சுமார் 38. 7 கோடி ரூபாய் செலவில் புதிய சிட்கோ தொழிற்பேட்டை அமைக்கப்பட உள்ளதாக சட்டசபையில் அறிவித்துள்ளனர்.
காஞ்சிபுரம் மாவட்டத்தில் ஏற்கனவே SIDCO தொழிற்பூங்கா மற்றும் தொழிற்பேட்டைகள் அமைக்கப்பட்டு ஒரு லட்சம் பேர் வேலைவாய்ப்பை பெற்று வருகின்றனர்.
இதனிடையே, காஞ்சிபுரத்தில் அருகே உள்ள வையாவூர் என்ற கிராமத்தில் 43 ஏக்கர் நில பரப்பளவில், சுமார் 38.7 கோடி ரூபாய் மதிப்பீட்டில் சிட்கோவின் புதிய தொழிற்பேட்டையை தொடங்கப்படும் என துறை அமைச்சரான அன்பரசன் சட்டசபையில் அறிவித்துள்ளார்.
இதனால், காஞ்சிபுரம் சுற்றியுள்ள படித்த இளைஞர்களான சுமார் 1,800 பேருக்கு வேலை வாய்ப்பு கிடைக்கும் எனவும் அன்பரசன் அறிவித்துள்ளார்.
சிட்கோ
காஞ்சிபுரம் மாவட்டம் வையாவூரில் 43 ஏக்கரில் தொடங்கப்படும் புதிய சிட்கோ தொழிற்பேட்டை
இதற்கான நிலம் ஏற்கனவே தேர்வு செய்யப்பட்டு, இதற்கான பணிகளும் விரைவில் தொடங்கப்படும் என தெரிவித்துள்ளனர்.
காஞ்சிபுரம் மாவட்டத்தில் இதற்கு முன் 1,968 இல் முதன்முறையாக 37.9 ஏக்கர் பரப்பளவில் சிட்கோ தொழிற்பேட்டை தொடங்கப்பட்டது.
தொடர்ந்து, சென்னை ஆலந்தூர், மறைமலை நகர், திருமுடிவாக்கம் போன்ற பகுதிகளிலும் சிட்கோ தொழிற்பேட்டைகள் தொடங்கப்பட்டது.
தற்போது காஞ்சிபுரம் வையாவூரில் தொடங்கப்பட உள்ளது. இதன் மூலம் புதிய தொழில் அதிகரிக்கும் எனவும், வேலைவாய்ப்புகள் அதிகரிக்கப்படும் எனவும் கூறப்படுகிறது.