சனாதன ஒழிப்பை நோக்கமாக கொள்ள வேண்டும் - உதயநிதி ஸ்டாலின்
செய்தி முன்னோட்டம்
தமிழ்நாடு முற்போக்கு எழுத்தாளர்கள் கலைஞர்கள் சங்கம் சார்பில் நேற்று(செப்.,2) சென்னை தேனாம்பேட்டையில் உள்ள காமராஜர் அரங்கில் 'சனாதன ஒழிப்பு' மாநாடு நடத்தப்பட்டது.
இதில் அமைச்சர் உதயநிதி ஸ்டாலின் கலந்துகொண்டு பேசியுள்ளார்.
அவர் கூறியதாவது, "சனாதன ஒழிப்பு மாநாடு என்று பெயரிட்டு இதில் எனக்கு வாழ்த்துரை வழங்கும் வாய்ப்பை அளித்த நிர்வாக குழுவுக்கு முதலில் எனது நன்றிகளை தெரிவித்து கொள்கிறேன்" என்றும்,
"சனாதனம் என்பது எதிர்ப்பது அல்ல, ஒழிப்பதாகும். கொரோனா, டெங்கு, மலேரியா, போன்ற நோய்களை நாம் எதிர்க்க முயற்சிக்க மாட்டோம், ஒழித்துக்கட்ட தான் முயல்வோம். அதுபோல் தான் இந்த சனாதானமும்" என்று கூறியுள்ளார்.
இதனையடுத்து அவர், சனாதனம் என்னும் சமஸ்கிருத வார்த்தைக்கு நிலையானது, மாற்ற இயலாதது என்பது தான் அர்த்தம் என்றும் கூறியுள்ளார்.
நூற்றாண்டு
அடித்தட்டு மக்கள் படித்துவிடக்கூடாது என்பது தான் சனாதன கொள்கை
அதனையடுத்து பேசிய அவர், "மக்களை சாதிவாரியாக பிரித்து தனித்து இருக்கவேண்டும் என சொன்னதுதான் சனாதனம். அதனை முறியடிக்கும் வகையில் கலைஞர் அனைத்து சமூக மக்களையும் ஒன்றாக இணைத்து ஒரே இடத்தில் குடியமர்த்தி அந்த இடத்திற்கு'சமத்துவபுரம்' என்று பெயரிட்டு சனாதனத்திற்கு சம்மட்டி அடி கொடுத்தார்"என்று கூறினார்.
மேலும் அவர், "கலைஞருக்கு இது நூற்றாண்டு. பெரியாரின் வைக்கம் போராட்டத்திற்கும் இது நூற்றாண்டாகும். வள்ளலார்.,ராமலிங்க அடிகளாரின் 200வது ஆண்டு. மக்கள் உரிமைகளை பெற்றுத்தர தோன்றிய திராவிட முன்னேற்ற கழகத்திற்கு இது பவளவிழா ஆண்டு என பல சிறப்புகளை இந்தாண்டு பெற்றுள்ளது"என்று குறிப்பிட்டு பேசியுள்ளார்.
அடித்தட்டு மக்கள் படித்துவிடக்கூடாது என்பது தான் சனாதன கொள்கை, அதன் அடிமையாக கடந்த அதிமுக ஆட்சி செயல்பட்டது என்றும் அவர் விமர்சித்து பேசியுள்ளார்.