அரசு விரைவு பஸ்களில் முன்பதிவு சேவை விரிவாக்கம் நடைமுறைக்கு வருகிறது!
தொலைதூரப் பயணிகளின் வசதிக்காக தமிழக அரசின் விரைவுப் போக்குவரத்துக் கழகம் தமிழ்நாட்டிற்குள்ளும், தமிழகத்திற்கு அருகாமையில் உள்ள மாநிலங்களுக்கும் பேருந்துகளை இயக்கி வருகிறது. இதற்காக இந்த பேருந்துகளில் பயணிக்க டிக்கெட்டுகளும், இணையதளம் மூலம் ஒரு மாதத்திற்கு முன்பே பதிவு செய்யும் அளவிற்கு வசதியையும் செய்துள்ளது போக்குவரத்துக் கழகம். ஆண்டுதோறும் தோராயமாக, இதில் பயணம் செய்யும் 60000 பயணிகளில், 20000 பயணிகள் டிக்கெட்டுகளை முன்பதிவு செய்தே பயணம் செய்கின்றனர். நெடுந்தூரம் பயணத்திற்கு மட்டுமே இருந்த முன்பதிவு சேவைகளை, தற்போது , 200 கி.மீ. தூரத்தில் பயணம் செய்யும் பயணிகளுக்கும் விரிவுப்படுத்த அரசு முடிவு செய்தது.
முன்பதிவு சேவை விரிவாக்கம்
இதன் கீழ் மதுரை, கோயம்புத்தூர், திருநெல்வேலி, சேலம் போன்ற தமிழகத்தின் முக்கிய மாவட்டங்களில் இருந்து பயணம் செய்யும்பயணிகள் பயன்பெறுவர் எனக்கூறப்படுகிறது. ஏற்கனவே செயல்பாட்டில், முன்பதிவு செய்து பயணிக்கும் வசதி 51,046 இருக்கையாக இருந்த நிலையில், தற்போது கூடுதலாக 62,464 இருக்கைகள் வரை அதிகப்படுத்தி உள்ளது. இதனால் கூடுதல் பயணிகள் பயணிக்க முடியும். இந்த சேவையை பயன்படுத்த, பயணிகள் வழக்கமாக பயன்படுத்தும் முன்பதிவு இணைய தளமான https://www.tnstc.in/home.html அல்லது tnstc.in மற்றும் tnstc mobile app மூலமும் முன்பதிவு செய்து கொள்ளலாம். இந்த வசதி (07.06.2023)இன்று முதல் நடைமுறைப்படுத்தபடவுள்ளதாக அரசு விரைவுப் போக்குவரத்துக் கழகம் அறிவித்துள்ளது. இதன் மூலம், பயணிகள் சிரமம் இன்றி இருக்கைகளை முன்பதிவு செய்து பயணிக்கலாம்.
