SCO பாதுகாப்பு அமைச்சர்கள் கூட்டம்: ராஜ்நாத் சிங் தலைமை தாங்கினார்
செய்தி முன்னோட்டம்
இந்தியா, ரஷ்யா, சீனா உட்பட ஷாங்காய் ஒத்துழைப்பு அமைப்பின்(SCO) மற்ற உறுப்பு நாடுகளுடைய பாதுகாப்பு அமைச்சர்கள் இன்று(ஏப் 28) புது டெல்லியில் நடைபெற்ற மாநாட்டில் பிராந்திய பாதுகாப்பு சவால்கள் தொடர்புடைய பிரச்சினைகள் குறித்து விவாதித்தனர்.
பாதுகாப்பு அமைச்சர் ராஜ்நாத் சிங் தலைமையில் நடைபெறும் இந்த கூட்டத்தில் ஆப்கானிஸ்தானின் ஒட்டுமொத்த நிலைமை குறித்தும் ஆய்வு செய்யப்படும் என எதிர்பார்க்கப்படுகிறது.
"உறுப்பு நாடுகளிடையே பாதுகாப்பு ஒத்துழைப்பை மேம்படுத்துவதற்கு SCOவை ஒரு முக்கியமான அமைப்பாக இந்தியா கருதுகிறது. SCO உறுப்பினர்களிடையே நம்பிக்கை மற்றும் ஒத்துழைப்பின் உணர்வை மேலும் வலுப்படுத்த நாங்கள் விரும்புகிறோம்" என்று ராஜ்நாத் சிங் தனது தொடக்க உரையில் கூறினார்.
details
பாகிஸ்தான் பாதுகாப்பு அமைச்சர் வீடியோ கால் மூலம் கலந்துகொண்டார்
டெல்லியில் நடைபெறும் இந்த கூட்டத்தில் சீன பாதுகாப்பு அமைச்சர் லி ஷங்ஃபு, ரஷ்யாவின் செர்ஜி ஷோய்கு, தஜிகிஸ்தானின் கர்னல் ஜெனரல் ஷெராலி மிர்சோ, ஈரானின் பிரிகேடியர் ஜெனரல் முகமது ரெசா கரேய் அஷ்டியானி மற்றும் கஜகஸ்தானின் கர்னல் ஜெனரல் ருஸ்லான் ஜாக்சிலிகோவ் ஆகியோர் கலந்துகொண்டனர்.
பாகிஸ்தான் பாதுகாப்பு அமைச்சர் கவாஜா ஆசிப் இந்த கூட்டத்தில் ஆன்லைன் வீடியோ கால் மூலம் பங்கேற்றார்.
"இந்த மன்றம், நமது கருத்துக்களை பரிமாறிக்கொள்ளவும், நமது கவலைகளை பகிர்ந்து கொள்ளவும் வாய்ப்பளிக்கிறது. நமக்கு முன்னால் உள்ள சவால்களைப் பற்றி விவாதிக்கவும், அவற்றுக்கு தீர்வு காணவும் இது ஒரு முக்கியமான தளமாகும்." என்று ராஜ்நாத் சிங் தனது தொடக்க உரையில் மேலும் கூறினார்.