புதுச்சேரியில் மார்ச் 16 முதல் 26 வரை பள்ளிகளுக்கு விடுமுறை - வேகமெடுக்கும் வைரஸ் காய்ச்சல்
இந்தியாவில் சமீப காலமாக புதிய வகை வைரஸ் காய்ச்சல் பரவி வருகிறது என தொடர்ந்து செய்திகள் வெளியாகி வருகிறது. அதன்படி, இன்ஃபுளூயன்சா-ஏ' என்னும் வைரஸின் துணை வைரஸான 'H3N2' வகை வைரஸால் ஏரளாமானோர் தொடர்ந்து பாதிக்கப்பட்டு வருவதாகவும் தகவல்கள் தெரிவிக்கிறது. அதன்படி புதுச்சேரியில் இந்த வைரஸுக்கு 100க்கும் மேற்பட்டோர் பாதிக்கப்பட்டுள்ளனர் என புதுச்சேரி சுகாதாரத்துறை தகவல் தெரிவித்துள்ளது. இந்த புதியவகை வைரஸ் காய்ச்சல் அதிகளவில் சிறுவர்களை தாங்குவதால் அவர்களால் பள்ளிக்கு செல்லமுடியாத நிலை ஏற்படுகிறது. இந்நிலையில் பரவும் காய்ச்சலை கட்டுப்படுத்தும் முயற்சியாக மார்ச்16 முதல் 26வரை அரசு மற்றும் தனியார்பள்ளிகளில் பயிலும் 1 வகுப்பு முதல் 8ம்வகுப்பு வரையிலான மாணவர்களுக்கு விருமுறை அளிப்பதாக அம்மாநில கல்வி அமைச்சர் நமச்சிவாயம் அறிவிப்பு ஒன்றினை வெளியிட்டுள்ளார்.
