சென்னை கோயம்பேடு சந்தையில் காய்கறிகள் விலை உயர்வு - இன்றைய நிலவரம்
மிக்ஜாம் புயல் காரணமாக சென்னை கோயம்பேடு காய்கறி சந்தைக்கு வரும் காய்கறிகளின் விலை உயர்ந்தது. ஆனால் தற்போது புயல் ஓய்ந்த நிலையிலும் காய்கறிகளின் விலை குறைந்தப்பாடில்லை. காய்கறி வரத்து இன்னமும் குறைந்தளவில் உள்ள காரணத்தினால், வெங்காயம், கத்தரிக்காய், முருங்கைக்காய் உள்ளிட்ட காய்கறிகளின் விலை உயர்ந்துள்ளது என்று தகவல்கள் தெரிவிக்கிறது. இதனிடையே, சென்னை கோயம்பேட்டில் இன்றைய(டிச.,13) நிலவரப்படி பெரிய வெங்காயம் ஒரு கிலோ ரூ.50க்கும், சின்ன வெங்காயம் 1 கிலோ ரூ.90க்கும் விற்பனையாகிறது. அதேபோல் உருளைக்கிழங்கு 1 கிலோ ரூ.35, பச்சை மிளகாய் ஒரு கிலோ ரூ.30, பீட்ரூட் 1 கிலோ ரூ.35க்கு விற்பனை செய்யப்படுகிறது என்று கூறப்படுகிறது.
இன்றைய விலை நிர்ணயம் குறித்த தகவல்
அதே போல், வாழைப்பூ ஒருகிலோ ரூ.25, குடை மிளகாய் 1-கிலோ.,ரூ.40, நெல்லிக்காய் 1-கிலோ ரூ.100, பட்டர் பீன்ஸ் 1-கிலோ ரூ.65, அவரைக்காய் 1-கிலோ ரூ.60, முட்டைக்கோஸ் 1-கிலோ ரூ.10, சுரைக்காய் 1-கிலோ ரூ.25 உள்ளிட்ட விலைவாசியில் விற்கப்படுகிறதாக செய்திகள் தெரிவிக்கிறது. தொடர்ந்து, வெள்ளரிக்காய் ரூ.20, கத்திரிக்காய் ரூ.65, கொத்தவரங்காய் ரூ.40, காலிப்ளவர் ரூ.20, கேரட் ரூ.35, முருங்கைக்காய் ரூ.120, தேங்காய் ரூ.35க்கு விற்கப்படுகிறது. இஞ்சி 1-கிலோ ரூ.80-150 வரையும், பீன்ஸ் 1-கிலோ ரூ.50, பூசணி 1-கிலோ ரூ.25, புடலங்காய் 1-கிலோ ரூ.40, வெண்டைக்காய் 1-கிலோ ரூ.60, முள்ளங்கி ரூ.25, பீர்க்கங்காய் 1-கிலோ ரூ.50, புடலங்காய் 1-கிலோ.,ரூ.40, மாங்காய் 1-கிலோ ரூ.120 என இன்று விலை நிர்ணயம் செய்யப்பட்டு வியாபாரிகள் விற்பனை செய்து வருகிறார்கள்.
