₹7 கோடி நஷ்டஈடு கொடுத்து ஊழியர்களை வெளியேற்றும் பிஎம்டபிள்யூ; போட்டிபோட்டு விண்ணப்பிக்கும் ஊழியர்கள்
செய்தி முன்னோட்டம்
ஜெர்மனியை சேர்ந்த சர்வதேச சொகுசு கார் தயாரிப்பு நிறுவனமான பிஎம்டபிள்யூ, தனது நிறுவனச் செலவுகளைக் குறைக்கும் பொருட்டு, சுமார் 8,000 பணியிடங்களை 2027-ஆம் ஆண்டின் இறுதிக்குள் குறைக்கத் திட்டமிட்டுள்ளது. இதற்காக தனது ஊழியர்களுக்கு பிரத்யேக விருப்ப ஓய்வுத் திட்டத்தை அறிவித்துள்ளது. அக்டோபர் பாதியில் தொடங்கப்பட்ட இந்த விருப்ப ஓய்வு இணையதளத்திற்கு ஊழியர்களிடையே மிகப்பரிந்த ஆதரவும், அதிக அளவிலான போக்குவரத்தும் காணப்பட்டது. சுமார் 50,000 ஊழியர்களுக்கு வழங்கப்பட்டுள்ள இந்த ஆஃபரில், ஊழியரின் தகுதி, வயது மற்றும் அனுபவத்திற்கு ஏற்ப தனித்தனியாக இழப்பீட்டுத் தொகை கணக்கிடப்படுகிறது.
சலுகை
செலுத்தும் முறைகளும் கூடுதல் சலுகைகளும்
நீண்ட காலம் பணியாற்றிய உயர் மின்னழுத்த/நிர்வாகப் பணியாளர்களுக்கு அதிகபட்சமாக €650,000 (இந்திய மதிப்பில் சுமார் ₹7 கோடி) வரை இழப்பீடு வழங்கப்படுகிறது.
பணிவிலகல் செய்ய அடுத்த ஆண்டு மார்ச் 31 அல்லது அக்டோபர் 31 ஆகிய இரண்டு தேதிகள் வழங்கப்பட்டுள்ளன.
இதில் மார்ச் 31-ஐ தேர்ந்தெடுப்பவர்களுக்கு கூடுதல் டர்போ போனஸ் சலுகையும் அளிக்கப்படுகிறது.
இழப்பீட்டுத் தொகையை ஊழியர்கள் ஒரே தவணையாகவோ, பல தவணைகளாகவோ, ஓய்வூதிய சேமிப்புக் கணக்கிலோ அல்லது காப்பீட்டுத் திட்டங்களிலோ முதலீடு செய்து பெற்றுக்கொள்ளலாம்.
மேலும், அக்டோபர் 31, 2027-க்குள் 55 வயதை எட்டுபவர்களுக்கு ஓய்வுபெற்ற பிஎம்டபிள்யூ ஊழியர்களுக்கான சிறப்புச் சலுகைகளும், புதிய மற்றும் பழைய பிஎம்டபிள்யூ கார்களை வாங்குவதில் சிறப்புத் தள்ளுபடிகளும் தொடர்ந்து வழங்கப்படும் எனத் தெரிவிக்கப்பட்டுள்ளது.