இனி தெரியாத நபர்களிடம் இருந்து வரும் அழைப்புகளை வாட்ஸ்அப்பே அட்டென்ட் பண்ணும்: WABetaInfo வெளியிட்ட சூப்பரான புதிய அப்டேட்
செய்தி முன்னோட்டம்
மெட்டா நிறுவனத்தின் பிரபலமான உடனடி செய்திப் பரிமாற்ற செயலியான வாட்ஸ்அப், தனது பயனர்களின் வசதிக்காகவும் பாதுகாப்பிற்காகவும் புதிய அம்சம் ஒன்றைக் கண்டறிந்து வருகிறது. அதன்படி, காண்டாக்ட் லிஸ்டில் சேமிக்கப்படாத தெரியாத எண்களில் இருந்து வரும் அழைப்புகளை, பயனரின் சார்பாக வாட்ஸ்அப்பே தன்னிச்சையாக அட்டென்ட் செய்து உரையாடும் புதிய வசதி உருவாக்கப்பட்டு வருகிறது. தற்போது ஆண்ட்ராய்டு பயனர்களுக்காக உருவாக்கப்பட்டு வரும் இந்த அம்சம் குறித்து WABetaInfo தளம் அறிக்கை வெளியிட்டுள்ளது. தெரியாத எண்களிலிருந்து வரும் அழைப்புகளை கையாள பயனர்களுக்கு மூன்று பிரத்யேக விருப்பங்கள் வழங்கப்படவுள்ளன.
செயல்பாடு
புதிய அம்சத்தின் செயல்பாடு மற்றும் கட்டுப்பாடுகள்
1. நெவர்: இந்த வசதியை முழுமையாகச் செயலிழக்கச் செய்து, வழக்கம்போல அனைத்து அழைப்புகளையும் பெற அனுமதிக்கலாம்.
2. சைலன்ஸ்: தெரியாத எண்களின் அழைப்புகளை சத்தமில்லாமல் (Silent) மாற்றும் தற்போதைய வசதியாகும்.
3. ஆட்டோ ஆன்சர் மற்றும் ட்ரான்ஸ்கிரிப்ஷன்: இதுவே புதிய அம்சமாகும். தெரியாத எண்ணில் இருந்து அழைப்பு வரும்போது வாட்ஸ்அப் அதனைத் தானாக அட்டென்ட் செய்து, "நீங்கள் எதற்காக அழைக்கிறீர்கள்?" என்று அழைப்பாளரிடம் கேட்கும்.
பாதுகாப்பு
உரை வடிவில் மாற்றப்படும் உரையாடல்
அழைப்பாளர் அளிக்கும் பதிலைக் கேட்டு, அதனை உடனுக்குடன் தனியார் உரைச் சுருக்கமாக வாட்ஸ்அப் திரையில் காண்பிக்கும்.
பயனர் அந்த உரையைப் படித்துப் பார்த்துவிட்டு, அந்த அழைப்பை நேரில் எடுத்துப் பேசுவதா வேண்டாமா என்பதைத் தீர்மானிக்கலாம்.
பயனர்களின் தனியுரிமையைக் கருத்தில் கொண்டு, இந்த Transcription எந்தவொரு வெளிச் சேவையகத்திற்கும்(Servers) அனுப்பப்படாமல், பயனரின் மொபைல் சாதனத்திலேயே லாங்குவேஜ் பேக் உதவியுடன் பாதுகாப்பாக உருவாக்கப்படும்.
பயனர்கள் தங்களுக்கு விருப்பமான மொழியிலேயே இந்த உரையைப் படிக்கும் வசதியும் இதில் வழங்கப்படவுள்ளது.
அவசியமான நபர்களின் எண்களைச் சேமிக்காத நிலையிலும், அழைப்புகளைத் தவறவிடாமல் இருக்க இந்த வசதி மிகவும் பயனுள்ளதாக இருக்கும்.
இந்த அம்சம் தற்போது உருவாக்கக் கட்டத்தில் இருப்பதால், விரைவில் சோதனைப் பயனர்களுக்கு வழங்கப்பட்டுப் பின் அதிகாரப்பூர்வமாகச் செயலியில் அறிமுகப்படுத்தப்படும்.