உங்கள் ஏரியாவில் நாளை (டிசம்பர் 1) மின்தடை இருக்கிறதா என தெரிந்துகொள்ளுங்கள்
செய்தி முன்னோட்டம்
மின் பராமரிப்பு பணிகள் காரணமாக திங்கட்கிழமை (டிசம்பர் 1) தமிழகத்தில் திருப்பூர் மாவட்டத்தின் உடுமலைப்பேட்டையில் மட்டும் மின்தடை செய்யப்படுவதாக தமிழ்நாடு மின்சார வாரியம் அறிவித்துள்ளது. அதன்படி, நாளை மின்தடை ஏற்படும் பகுதிகளை சேர்ந்த மக்கள் தக்க முன்னேற்பாடுகளை செய்துகொள்ளும்படி அறிவுறுத்தப்பட்டு உள்ளனர். மின்தடை ஏற்படும் பகுதிகளின் விரிவான பட்டியல் பின்வருமாறு: உடுமலைப்பேட்டை: தேவனூர்புதூர், செல்லம்பாளையம், கரட்டூர், ராவணபுரம், ஆண்டியூர், பாண்டியங்கரடு, அரிசனம்பட்டி, வல்லகுண்டபுரான், ஸ்நல்லூர், அர்த்தநாரிபாளையம், புங்கமுத்தூர், வளையபாளையம். தீபாலபட்டி. இங்கு காலை 9 மணி முதல் மாலை 4 மணி வரை மின்தடை அமலில் இருக்கும் என அறிவிக்கப்பட்டுள்ளது.
மின்சார வாரியம்
மின்சார வாரியத்தின் அறிவிப்பு
தொடர்புடைய மற்றொரு செய்தியில், டித்வா புயல் காரணமாக ஏற்படும் மின்துறை சார்ந்த சேதங்களை எதிர்கொள்ள மின்சார வாரியம் தேவையான முன்னெச்சரிக்கை நடவடிக்கைகளை எடுத்துள்ளதாக அறிவித்துள்ளது. இதுதொடர்பாக வெளியான தமிழக மின்சார வாரிய தலைவர் ராதாகிருஷ்ணன் அறிவிப்பின்படி, மின்சார பாதிப்பு தொடர்பான புகார்களுக்கு 94987 94987 என்ற எண்ணை அழைக்கலாம் என அறிவிக்கப்பட்டுள்ளது. மேலும், மின் தடை ஏற்படும் சமயங்களில் மீட்புப் பணிகளை மேற்கொள்ளும்போது மருத்துவமனைகள், மேல்நிலை நீர்தேக்கத் தொட்டிகள், தொலைபேசி சேவை மையங்கள், முக்கியமான அரசு அலுவலகங்கள் மற்றும் காவல் நிலையங்கள் போன்றவற்றிற்கு முன்னுரிமை வழங்கப்பட வேண்டும் என்று களப் பொறியாளர்களுக்கு அறிவுறுத்தல் வழங்கப்பட்டுள்ளது.