தேர்தலுக்கு முன் கர்நாடக மக்களுக்கு பிரதமர் மோடி எழுதிய கடிதம்
செய்தி முன்னோட்டம்
கர்நாடகாவில் சட்டப்பேரவைத் தேர்தல் நடைபெற உள்ள நிலையில், பிரதமர் நரேந்திர மோடி அம்மாநில மக்களுக்கு பகிரங்கக் கடிதம் ஒன்றை எழுதியுள்ளார்.
கர்நாடகாவில் நாளை(மே 10) தேர்தல் வாக்கெடுப்பு நடைபெறவுள்ளது.
38 ஆண்டு ஆண்டுகால வழக்கத்தை உடைத்து, இந்த தேர்தலில் வெற்றி பெற வேண்டும் என்று பாஜக போராடி வருகிறது.
பாஜகவின் தீவிர பிரச்சாரத்தின் ஒரு பகுதியாக பெங்களூருவில் கடந்த சனிக்கிழமையன்று, பிரதமர் மோடி 26 கிமீ ரோட்ஷோவை நடத்தினார்.
கர்நாடகாவில் டி.கே. சிவகுமார் மற்றும் சித்தராமையா தலைமையிலான காங்கிரஸ், மற்றும் எச்டி குமாரசாமி தலைமையிலான ஜே.டி(எஸ்) கட்சி ஆகியவை முன்னணியில் உள்ளது.
இந்நிலையில் பிரதமர் மோடி கர்நாடக மக்களுக்கு ஒரு கடிதத்தை எழுதியுள்ளார்.
details
கர்நாடக மக்களுக்கு பிரதமர் மோடி எழுதிய கடிதத்தில் கூறி இருப்பதாவது:
தற்போது இந்தியா உலகின் ஐந்தாவது பெரிய பொருளாதாரமாக உள்ளது.
எங்களின் அடுத்த நோக்கம், அதில் முதல் மூன்று இடங்களை பிடிப்பதே ஆகும்.
கர்நாடகா வேகமாக வளர்ந்து 1 டிரில்லியன் டாலர் பொருளாதாரமாக மாறினால் மட்டுமே இது சாத்தியமாகும்.
கடந்த 3.5 ஆண்டுகளாக இரட்டை எஞ்சின் கொண்ட பாஜக அரசின் வேலையை நீங்கள் பார்த்திருக்கிறீர்கள்.
எங்களின் தீர்க்கமான எதிர்கால கொள்கைகள் கர்நாடகாவின் பொருளாதார வளர்ச்சிக்கு உத்வேகத்தை அளிக்கிறது.
கோவிட்-19 தொற்றுநோய்களின் போது, பாஜக அரசாங்கத்தின் கீழ் கர்நாடகா ஆண்டுதோறும் ₹ 90,000 கோடிக்கு மேல் அன்னிய முதலீட்டைப் பெற்றது.
கல்வி, வேலைவாய்ப்பு மற்றும் தொழில்முனைவு ஆகியவற்றில் கர்நாடகாவை நம்பர் 1ஆக மாற்ற நாங்கள் விரும்புகிறோம்.
கர்நாடகாவின் ஒவ்வொரு குடிமகனின் கனவு தான் என் கனவும்.