ராமேஸ்வரத்தில் பாம்பன் புதிய பாலம் எப்போது திறக்கப்படும்? புதிய பெயர் என்ன?
ராமநாதபுரம் மாவட்டம், ராமேஸ்வரத்தில் கடலின் மேல் கட்டப்பட்டுள்ள புதிய பாம்பன் பாலம் விரைவில் பயன்பாட்டுக்கு வரவுள்ளது. ரூ.550 கோடியில் புதிய இரட்டை வழி மின்சார ரயில் பாலம் கடந்த 5 ஆண்டுகளாக கட்டப்பட்டு வந்தது. இந்த புதிய பாலம் தற்போது பணிகள் முடிந்த நிலையில், பல்வேறு கட்ட ஆய்வு பணிகளும் நடைபெற்று வருகிறது. இந்த புதிய பாலத்தை பிரதமர் மோடி நவம்பர் 20ஆம் தேதி திறக்க திட்டமிட்டுள்ளதாக அதிகாரிகள் 2 நாட்கள் முன்பு தகவல் வெளியிட்டுள்ளனர். மேலும், இந்த புதிய பாலத்திற்கு முன்னாள் ஜனாதிபதி ஏபிஜே அப்துல் கலாம் அவர்களின் பெயரை சூட்ட வேண்டி பரிந்துரைகள் முன்வைக்கப்பட்டுள்ளன. இதன் அடிப்படையில், இந்த பாலத்திற்கு 'கலாம் சேது' என பெயர் சூட்டப்பட உள்ளதாக கூறப்படுகிறது.
