வேங்கைவயல் சம்பவத்தை எதிர்த்து பொதுக்கூட்டம் நடத்த மனு
செய்தி முன்னோட்டம்
புதுக்கோட்டை மாவட்டம், வேங்கைவயல் கிராமத்தில் உள்ள தலித் காலனியில் இருக்கும் மேல்நிலை நீர்த்தேக்கத் தொட்டியில் மனித கழிவுகள் கலக்கப்பட்ட சம்பவத்தைக் கண்டித்து பொதுக்கூட்டம் நடத்தக் கோரிய மனுவிற்கு பதில் அளிக்குமாறு புதுக்கோட்டை மாவட்ட காவல்துறைக்கு சென்னை உயர்நீதிமன்றம் நேற்று(மார் 23) உத்தரவிட்டது. அம்பேத்கர் மக்கள் இயக்கத்தின் மாவட்ட இளைஞரணி செயலாளர் நாகராஜன் தாக்கல் செய்த மனுவை விசாரித்த நீதிபதி ஜி இளங்கோவன், காவல்துறை பதில் மனு தாக்கல் செய்ய வேண்டும் என்று கூறியுள்ளார்.
தமிழ்நாடு
மாவட்ட இளைஞரணி செயலாளர் நாகராஜன் கூறியிருப்பதாவது
வேங்கைவயல் சம்பவத்தில் ஈடுபட்டவர்கள் மீது உரிய நடவடிக்கை எடுக்கக் கோரி கீரனூரில் பொதுக்கூட்டம் நடத்த இயக்க உறுப்பினர்கள் முன்மொழிந்தனர். இதற்காக அனுமதி கோரி கீர்னூர் போலீசில் முறையிட்டபோது, சட்டம் ஒழுங்கு பிரச்னையை காரணம் காட்டி, போலீசார் அதை மறுத்துவிட்டனர். பொதுக்கூட்டம் நடத்த அனுமதி மறுப்பதற்கு வெறும் பயம் காரணமாக இருக்க முடியாது. என்று கூறியுள்ளார்.