சீன கட்டுப்பாட்டு எல்லைக் கோட்டுக்கு அருகே அமைக்கப்படவிருக்கும் புதிய சாலையில் என்ன சிறப்பு?
செய்தி முன்னோட்டம்
தற்போது மோட்டார் வாகனங்கள் செல்லக்கூடிய வகையில், உலகின் உயரமான இடத்தில் அமைந்திருக்கும் சாலை என்ற பெயரைக் கொண்டிருக்கிறது இந்தியாவின் லாடாக்கில் உள்ள உம்லிங் லா சாலை. இந்த சாலையானது 19,300அடி உயரத்தில் அமைந்திருக்கிறது.
தற்போது அதனை விட உயரமாக இடத்தில், மோட்டார் வாகனங்கள் செல்லக்கூடிய வகையில் புதிய சாலை ஒன்றை அமைக்கவிருப்பதாக, நேற்றைய சுதந்திர தினத்தின் போது அறிவித்திருக்கிறது இந்தியாவின் எல்லைச் சாலைகள் அமைப்பு.
லிகரு-மிக்லா-ஃபூக்கீ என்ற புதிய சாலையை, உம்லிங் லாவை விட 100 அடி கூடுதல் உயரத்தில் கட்டவிருப்பதாக அறிவித்திருக்கிறது அந்த அமைப்பு. இதன் மூலம், 19,400அடி உயருத்துடன், மோட்டார் வாகனங்கள் செல்லக்கூடிய வகையில் உலகின் உயரான இடத்தில் கட்டப்பட்டிருக்கும் சாலை என்ற பெயரை இந்தப் புதிய சாலை பெறவிருக்கிறது.
இந்தியா
லிகரு-மிக்லா-ஃபூக்கீ எல்லைச் சாலை:
இந்தப் புதிய சாலையானது, சீனாவில் எல்லைக் கட்டுப்பாட்டுக் கோட்டிலிருந்து வெறும் 3கிமீ தூரத்தில் அமைக்கப்படவிருக்கிறது. லடாக் பள்ளத்தாக்கிற்கும், இந்தியாவிற்குமான இணைப்பை இந்தப் புதிய சாலை பலப்படுத்தும் எனத் தெரிவிக்கப்பட்டுள்ளது.
இந்தப் புதிய சாலை கட்டப்படவிருக்கிறது என்பதை மட்டுமே அறிவித்திருக்கிறது எல்லைச் சாலைகள் அமைப்பு. எப்போது இதன் கட்டுமானம் முடிவடையும், இது பொதுமக்கள் பயன்பாட்டிற்கும் திறக்கப்பட்டிருக்குமா என்பது குறித்த தகவல்களை அந்த அமைப்பு பகிர்ந்து கொள்ளவில்லை.
ஹான்லே கிராமித்தில் இருந்து நூறு கிமீ தூரத்தில் தெற்கு லடாக் பகுதியில் அமைந்திருக்கும், 52கிமீ சிசூம்லே-டெம்சாக் சாலையின் உயரமான பகுதியே உம்லிங் லா என அழைக்கப்படுகிறது. இந்த சாலை ஒரு பொறியில் அதிசயமாகக் கருதப்படுவது குறிப்பிடத்தக்கது.