காலிஸ்தான் பயங்கரவாதத்திற்கு எதிராக நடவடிக்கை எடுக்க பிரிட்டன் பிரதமரிடம் இந்திய பிரதமர் மோடி வலியுறுத்தல்
செய்தி முன்னோட்டம்
இந்தியப் பிரதமர் நரேந்திர மோடி மற்றும் பிரிட்டன் பிரதமர் கீத் ஸ்டார்மர் வியாழக்கிழமை (அக்டோபர் 9) விரிவான பேச்சுவார்த்தை நடத்தினர். வர்த்தகம், பாதுகாப்பு மற்றும் முக்கியத் தொழில்நுட்பத் துறைகளில் இந்தியா-பிரிட்டன் விரிவான வியூகப் கூட்டணியை வலுப்படுத்துவது இந்தப் பேச்சுவார்த்தையின் மையமாக இருந்தது. சமீபத்தில் கையெழுத்தான சுதந்திர வர்த்தக ஒப்பந்தத்தின் மூலம், 2030 ஆம் ஆண்டு இலக்கிற்கு முன்னதாக இருதரப்பு வர்த்தகத்தை இரட்டிப்பாக்க முடியும் என்று பிரதமர் மோடி நம்பிக்கை தெரிவித்தார். பேச்சுவார்த்தையின் முக்கிய அமசங்களில், பிரிட்டன் மண்ணில் செயல்படும் காலிஸ்தான் தீவிரவாத நடவடிக்கைகள் குறித்த இந்தியாவின் கடுமையான வலியுறுத்தல் இருந்தது.
பாதுகாப்பு குறைபாடு
முந்தைய பாதுகாப்பு குறைபாடுகள் குறித்து பேசிய இந்தியா
பிரிட்டனில் வெளியுறவு அமைச்சர் எஸ்.ஜெய்சங்கர் சென்றபோது ஏற்பட்ட பாதுகாப்புக் குறைபாடுகள் மற்றும் கலாச்சார நிகழ்வுகளை சீர்குலைக்க முயன்றது போன்ற தொடர்ச்சியான சம்பவங்களின் பின்னணியில் இந்தியா இந்தப் பிரச்சினையை எழுப்பியது. ஜனநாயகச் சுதந்திரத்தை இந்தச் பிரிவினைவாதக் கூறுகள் தவறாகப் பயன்படுத்துவதைத் தாங்கள் கண்டிப்பதாகவும், விருந்தளிக்கும் அரசு தனது ராஜதந்திரக் கடமைகளை முழுமையாக நிறைவேற்ற வேண்டும் என்றும் இந்தியா வலியுறுத்தியது. தனது முதல் அதிகாரப்பூர்வப் பயணமாக இந்தியா வந்துள்ள பிரதமர் ஸ்டார்மர், இரு நாடுகளின் வர்த்தகத் தலைவர்களிடம், வர்த்தக ஒப்பந்தத்தின் முழுத் திறனை அடையத் தடையாக இருக்கும் தடைகளை நீக்க அரசு என்ன செய்ய வேண்டும் என்று கேட்டறிந்தார்.