மயிலாடுதுறை மாவட்டத்திற்கு உள்ளூர் விடுமுறை அறிவிப்பு
செய்தி முன்னோட்டம்
தமிழ்நாடு-மயிலாடுதுறை மாவட்டத்தில் ஒவ்வொரு ஆண்டும் துலா உற்சவ விழா என்னும் காவிரி ஆறில் புனித நீராடும் நிகழ்ச்சி நடைபெறுவது வழக்கம்.
ஐப்பசி மாதம் முழுவதும் இங்கு காவிரியாற்றின் துலாக்கட்டத்தில் தீர்த்தவாரி உற்சவமானது நடத்தப்படும்.
இத்திருவிழாவின் முக்கிய நிகழ்வான கடைமுக தீர்த்தவாரி உற்சவம் வரும் நவம்பர் 16ம்.,தேதி கோலாகலமாக நடைபெறவுள்ளது.
இதன் காரணமாக மயிலாடுதுறை மாவட்டத்திற்கு வரும் 16ம்.,தேதி உள்ளூர் விடுமுறை அளித்து அம்மாவட்ட ஆட்சியர் ஏ.பி. மகாபாரதி உத்தரவு பிறப்பித்துள்ளார்.
மேலும் இந்த உள்ளூர் விடுமுறையினை ஈடுசெய்யும் வகையில் நவம்பர் 25ம்.,தேதி பணி நாளாக செயல்படும் என்றும் அவர் தெரிவித்துள்ளார்.
இந்த கடைமுக தீர்த்தவாரி உற்சவத்தில் கலந்துக்கொள்ள பல்லாயிர கணக்கான பக்தர்கள் வருகை தருவார்கள் என்பதால் இந்த உள்ளூர் விடுமுறை அளிக்கப்படுவது குறிப்பிடத்தக்கது.