தமிழ்நாட்டில் 12 மணிநேர வேலை, 3 நாள் விடுமுறை மசோதா நிறைவேற்றம்
செய்தி முன்னோட்டம்
தமிழ்நாடு சட்டசபையில் 12 மணிநேர வேலை மற்றும் 3 நாட்கள் விடுமுறை என்னும் மசோதா கடும்எதிர்ப்புகளுக்கு மத்தியில் இன்று(ஏப்ரல்.21)நிறைவேற்றப்பட்டது.
தமிழகம் மட்டுமின்றி இந்தியா முழுவதும் தற்போது வரை 8மணிநேரம் என்னும் அளவில் உள்ளது.
அதாவது எந்த வேலையாக இருந்தாலும் 8மணிநேரம் மட்டுமே வேலை பார்க்கவேண்டும் என்பதனை மாற்றி இனி 12மணிநேரம் வேலை பார்க்கவேண்டும் என்னும் மசோதா தான் கொண்டுவரப்பட்டுள்ளது.
அதன்படி தமிழ்நாடு சட்டப்பேரவையில் இச்சட்டத்திற்கான மசோதாவினை அமைச்சர் கணேசன் தாக்கல் செய்தார்.
அப்போது வேலைநேரம் உயர்த்தப்படுவதற்கு காங்கிரஸ், விடுதலை சிறுத்தைகள், மதிமுக, மார்க்சிஸ்ட் கம்யூனிஸ்ட், இந்திய கம்யூனிஸ்ட் உள்ளிட்ட திமுக கூட்டணிக்கட்சிகள் எதிர்ப்பு தெரிவித்தது.
தொழிலாளர்களுக்கு எதிரான மத்தியஅரசின் இந்த மசோதாவை தமிழகத்தில் நிறைவேற்றக்கூடாது என்று சட்டமன்ற காங்கிரஸ் குழுத்தலைவர் செல்வபெருந்தகை வலியுறுத்தினார்.
மசோதா
4 நாட்கள் மட்டுமே வேலை செய்ய வழிவகுப்பு
அதேபோல் மார்க்சிஸ்ட் கம்யூனிஸ்ட் கட்சி குழுத்தலைவர் நாகை மாலி எதிர்ப்பு தெரிவித்துள்ளார்.
இவர்களை தொடர்ந்து தொழிலாளர்களின் உரிமைகளை பறிக்கும் இந்த மசோதாவை ஆய்வுக்குழுவுக்கு அனுப்பி முறைப்படுத்தி சரி செய்யவேண்டும் என விசிக சட்டமன்ற குழுத்தலைவர் சிந்தனை செல்வன் தெரிவித்தார்.
மேலும் தொழிலாளர்கள் நலனை கருத்தில் கொண்டு மசோதாவை திரும்ப பெறவேண்டும் என பாஜக குழுத்தலைவர் நயினார் நாகேந்திரன் வலியுறுத்தினார்.
எனினும், கடும் எதிர்ப்புகளுக்கு மத்தியில் குரல் வாக்கெடுப்பு மூலம் சட்டத்திருத்த மசோதா நிறைவேற்றப்பட்டது.
தொடர்ந்து இதுகுறித்து விளக்கமளித்த தொழிலாளர் நலத்துறை அமைச்சர் கணேசன், வாரத்திற்கு 48 மணிநேரம் வேலை என்பதில் மாற்றமில்லை.
வாரத்தில் 4 நாட்கள் மட்டுமே வேலைச்செய்ய இந்த மசோதா வழிவகுத்துள்ளது.
இதனை நடைமுறைப்படுத்துவது அந்தந்த நிறுவனங்களின் விருப்பம் என்று கூறினார்.