கலைஞர் மகளிர் உரிமைத்தொகை திட்டம் - நிராகரிக்கப்பட்டவர்களுக்கு மீண்டும் ஓர் வாய்ப்பு
செய்தி முன்னோட்டம்
தமிழக முதல்வர் மு.க.ஸ்டாலின் கலைஞர் மகளிர் உரிமைத்தொகை திட்டத்தினை காஞ்சிபுரத்தில் நேற்று(செப்.,15) துவக்கி வைத்தார்.
இந்த திட்டத்தின் மூலம் 1 கோடியே 6 லட்சத்தி 50 ஆயிரம் குடும்ப தலைவிகள் மாதந்தோறும் ரூ.1000 பெறவுள்ளனர்.
அவரவர் வங்கி கணக்குகளில் பணம் டெபாசிட் செய்யும் பணிகள் தற்போது நடந்து வருகிறது.
இந்நிலையில், இந்த திட்டத்திற்காக விண்ணப்பித்து நிராகரிக்கப்பட்டவர்களுக்கு மீண்டும் ஒரு வாய்ப்பு அளிக்கப்படுவதாக கூறப்படுகிறது.
அதன்படி வரும் 18ம் தேதி இந்த திட்டத்தில் இணைய பொதுமக்கள் விண்ணப்பிக்கலாம் என்று தமிழக அரசு அறிவித்துள்ளது என்று செய்திகள் தெரிவிக்கிறது.
முதல்வர்
விவரங்களை அறிய கோட்டாட்சியர் அலுவலகத்தினை அணுகலாம் என அறிவிப்பு
இதன்படி, இ-சேவை மையம் மூலம் கலைஞர் மகளிர் உரிமை தொகை திட்டத்திற்கு விண்ணப்பிக்கலாம் என்று கூறப்பட்டுள்ளது.
அவ்வாறு விண்ணப்பிக்கப்படும் பட்சத்தில், தகுதியான நபர்களுக்கு அடுத்த 30 நாட்களுக்குள் கோட்டாட்சியர் மூலம் நடவடிக்கை எடுக்கப்படும் என்றும் தெரிவிக்கப்பட்டுள்ளது.
அதே போல் இந்த திட்டத்திற்கு நிராகரிக்கப்பட்டவர்களான 56.60 லட்சம் பேருக்கு அவர்கள் நிராகரிக்கப்பட்ட காரணங்கள் குறித்து வரும் 18ம் தேதி முதல் மொபைல் எண்ணிற்கு குறுஞ்செய்தி அனுப்பப்படும் என்றும் கூறப்பட்டுள்ளது.
அவ்வாறு குறுஞ்செய்தி வரவில்லை எனில், காரணத்தினை அணிய கோட்டாட்சியர் அலுவலகத்தினை மக்கள் அணுகலாம் என்றும் கூறப்படுகிறது குறிப்பிடத்தக்கது.