இந்தியா போன்ற பெரிய நாடுகளுக்கு பல முழுநேர விமான சேவை நிறுவனங்கள் தேவை!
செய்தி முன்னோட்டம்
செய்தி நிறுவனம் ஒன்றுக்கு அளித்த நேர்காணலில், "இந்தியா போல மிகப்பெரிய விமான சேவை சந்தையைக் கொண்ட நாட்டில், முழு நேர விமான சேவை அளிக்கும் பல நிறுவனங்கள் இருப்பது அவசியம்.
ஜெட் ஏர்வேஸை மீண்டும் செயல்பாட்டிற்கு கொண்டு வருவது, அந்த நிறுவனத்திற்கு மட்டுமல்ல, சந்தைக்கும் நல்லது" எனத் தெரிவித்துள்ளார் ஜெட் ஏர்வேஸின் முன்னாள் சிஇஓ டெசிக்னேட் சஞ்சீவ் கபூர்.
அந்நிறுவனத்தின் டெசிக்னேட்டாக கடந்த ஆண்டு நியமிக்கப்பட்ட அவர், கடந்த வாரம் திடீரென தனது பதவியில் இருந்து ராஜினாமா செய்வதாக அறிவித்தார்.
2019-ம் ஆண்டு பல்வேறு காரணங்களுக்காக இந்தியாவில் செயல்பாடுகளை நிறுத்தியது ஜெட் ஏர்வேஸ்.
அதன் பிறகு அக்டோபர் 2020-ல் ஜெட் ஏர்வேஸை மீண்டும் செயல்பாட்டிற்கு கொண்டு வருவதற்கான திட்டதிற்கு ஒப்புதல் அளிக்கப்பட்டது.
விமான சேவை
மீண்டும் செயல்பாட்டிற்கு வருமா ஜெட் ஏர்வேஸ்:
ஜெலன்-கலர்க் கன்சார்டியம் இதற்கான ஒப்பந்தத்தை வென்றது. இதனைத் தொடர்ந்து கடந்த ஆண்டு அதன் சிஇஓ டெசிக்னேட்டாக அறிவிக்கப்பட்டார் சஞ்சீவ் கபூர்.
"ஜெட் ஏர்வேஸின் உரிமை கைமாற்றப்பட்ட பிறகு, மீண்டும் விமான சேவையை தொடங்குவதற்கு தங்களுக்கு ஆறு வார கால அவகாசம் தேவைப்படும்.
உரிமை மட்டும் கைமாற்றப்பட்டிருந்தால், கடந்த நவம்பரிலேயே ஜெட் ஏர்வேஸின் விமான சேவை மீண்டும் துவங்கப்பட்டிருக்கும்", எனத் ஜெட் ஏர்வேஸ் மீண்டும் சேவை தொடங்குவது குறித்து தெரிவித்துள்ளார்.
இந்தியாவில் விமான சேவைக்கான வாய்ப்புகள் ஏராளமாக இருக்கின்ற. சீனாவின் முதல் மூன்று பெரிய விமான நிறுவனங்கள் ஒவ்வொன்றிடமும் 700 விமானங்கள் உள்ளன.
அமெரிக்காவின் மூன்று பெரிய விமான நிறுவனங்கள் ஒவ்வொன்றிடமும் 1000 விமானங்கள் இருக்கின்றன. ஆனால், இந்தியாவில் 700 விமானங்கள் மட்டுமே இருக்கின்றன.