பூரி ரத யாத்திரை இன்று கோலாகலமாக தொடங்கியது
செய்தி முன்னோட்டம்
ஒடிசாவின் புனித ஜெகநாதர் ரத யாத்திரை இன்று(ஜூன் 20) கோலாகலமாக தொடங்கியது.
ஒவ்வொரு ஆண்டும் ஒடிசாவின் பூரியில் நடைபெறும் இந்த விழா, இந்தியாவின் மிக பெரும் ரத யாத்திரைகளில் ஒன்றாகும்.
விஷ்ணுவின் அவதாரமான ஜெகநாதரின் ஆசீர்வாதத்தைப் பெற உலகம் முழுவதிலுமிருந்து ஆயிரக்கணக்கான பக்தர்கள் இன்று ஒடிஷாவிற்கு வந்துள்ளனர்.
ஒடிசா மாநிலத்தில் உள்ள ஸ்ரீ க்ஷேத்ர ப்ரி தாம் என்ற கோவிலில் நடைபெறும் இந்த ஜகந்நாதர் யாத்திரையின் வரலாறு பிரம்ம புராணம், பத்ம புராணம், ஸ்கந்த புராணம் மற்றும் கபில சம்ஹிதா போன்ற பல இந்து நூல்களில் விவரிக்கப்பட்டிருக்கிறது.
ஜகன்னாதர் ரத யாத்திரை உலகம் முழுவதும் உற்சாகமாக கொண்டாடப்பட்டாலும், ஒடிசாவின் பூரியில் கொண்டாடப்படும் ரத யாத்திரைக்கு தனி சிறப்பு உண்டு.
த்வந்க்ட்
நாட்டின் இரண்டாவது பெரிய ரத யாத்திரை
இந்த யாத்திரையின் போது, பல்லாயிரக்கணக்கான பக்தர்கள் ஒடிசாவின் தெருக்களில் கூடி பக்திப் பாடல்களை பாடியும், நடனம் ஆடியும், பஜனைகள் பாடியும் தங்கள் பக்தியை வெளிப்படுத்துகின்றனர்.
ஒடிசாவைத் தவிர குஜராத்தின் அகமதாபாத்திலும் இவ்விழா கொண்டாடப்படுகிறது.
146வது ரத யாத்திரை இன்று காலை அகமதாபாத்தில் தொடங்கியது. ஒவ்வொரு ஆண்டும் இந்த ரத யாத்திரையின் போது, பக்தர்கள் 18 கிமீ தூரத்திற்கு ஊர்வலம் செல்வார்கள்.
குஜராத்தின் ரத யாத்திரை நாட்டின் இரண்டாவது பெரிய ரத யாத்திரையாகக் கருதப்படுகிறது.
இந்த ஆண்டின் ரத யாத்திரை ஜூன் 20ஆம் தேதி இரவு 10:04 மணிக்கு தொடங்கி ஜூன் 21ஆம் தேதி இரவு 7:09 மணிக்கு நிறைவடையும் என்று எதிர்பார்க்கப்படுகிறது.