இந்தியாவில் ஒரே நாளில் 36 கொரோனா பாதிப்பு
செய்தி முன்னோட்டம்
நேற்று(ஜூன் 19) 63ஆக இருந்த தினசரி கொரோனாவின் எண்ணிக்கை, தற்போது 36ஆக குறைந்துள்ளது. கொரோனா பரவ தொடங்கிய பிறகு இன்று தான் மிக குறைவான வழக்குகள் பதிவாகி இருக்கிறது.
இந்தியாவில் செயலில் உள்ள கொரோனா 1,844 ஆக சரிவடைந்துள்ளது. இது மொத்த தொற்றுநோய்களில் 0.00 சதவீதமாகும்.
இதுவரை, இந்தியாவில் 4.49 கோடி (4,49,93,579) கொரோனா பாதிப்புகள் ஏற்பட்டுள்ளது.
கொரோனாவால் இதுவரை ஏற்பட்ட உயிரிழப்புகள் 5,31,897ஆக உயர்ந்துள்ளது.
கடந்த 24 மணிநேரதத்தில் ஒரு உயிரிழப்பு பதிவாகி இருக்கிறது.
கேரளா, தமிழ்நாடு மற்றும் தெலுங்கானா ஆகிய மூன்று தென் மாநிலங்களும் 2020-21 ஆம் ஆண்டில் சிறப்பாக கோவிட் சூழ்நிலையை கையாண்டதாக NITI ஆயோக்கின் வருடாந்திர 'சுகாதாரக் குறியீடு' கூறியுள்ளது.
djb
கொரோனா பாதிப்புகள் மற்றும் தடுப்பூசிகளின் புள்ளிவிவரங்கள்
இந்தியாவில் ஜூன் 18ஆம் தேதி 90 பாதிப்புகளும் ஜூன் 16ஆம் தேதி 96 பாதிப்புகளும் ஜூன் 15ஆம் தேதி 106 பாதிப்புகளும், ஜூன் 14ஆம் தேதி 120 பாதிப்புகளும், ஜூன் 13ஆம் தேதி 80 பாதிப்புகளும் பதிவாகி இருந்தன.
கொரோனாவிலிருந்து மீண்டவர்களின் எண்ணிக்கை 4,44,59,838ஆக உயர்ந்துள்ளது. கடந்த 24 மணிநேரதத்தில் மட்டும் 101 பேர் குணமடைந்துள்ளனர்.
கொரோனா மீட்பு விகிதம் 98.81 சதவீதமாகவும், இறப்பு விகிதம் 1.18 சதவீதமாகவும் பதிவு செய்யப்பட்டுள்ளதாக அமைச்சகம் தெரிவித்துள்ளது.
கடந்த 24 மணி நேரத்தில் 63,515 கொரோனா சோதனைகள் நடத்தப்பட்டுள்ளது.
இதுவரை 220,67,34,611 கோவிட் தடுப்பூசிகள் மக்களுக்கு வழங்கப்பட்டுள்ளதாக அமைச்சகத்தின் இணையதள தரவுகள் கூறுகின்றன. கடந்த 24 மணிநேரத்தில் மட்டும் 387 தடுப்பூசிகள் போடப்பட்டுள்ளன.