மக்கள் தொகையில் சீனாவை பின்னுக்குத்தள்ளிய இந்தியா - ஐ.நா அறிக்கை
செய்தி முன்னோட்டம்
சீனாவை பின்னுக்கு தள்ளி இந்தியா உலகின் அதிக மக்கள் தொகை கொண்ட நாடாக மாறியுள்ளது என்று ஐக்கிய நாடுகள் சபை இன்று(ஏப் 19) தெரிவித்துள்ளது.
ஐக்கிய நாடுகள் சபையின் மதிப்பீட்டின்படி, சீனாவின் மக்கள் தொகை 142.57 கோடியாகவும் இந்தியாவின் மக்கள் தொகை 142.86 கோடியாகவும் உள்ளது.
1950ஆம் ஆண்டு ஐநா மக்கள்தொகை தரவுகளை சேகரிக்கத் தொடங்கியதில் இருந்து, அதிக மக்கள்தொகை கொண்ட நாடுகளின் பட்டியலில் இந்தியா முதலிடம் பிடிப்பது இதுவே முதல் முறையாகும்.
1960க்குப் பிறகு முதன்முறையாக கடந்த ஆண்டு சீனாவின் மக்கள் தொகை எண்ணிக்கை குறைந்தது.
1960ஆம் ஆண்டில், முன்னாள் தலைவர் மாவோ சேதுங்கின் விவசாயக் கொள்கைகளினால் மில்லியன் கணக்கான மக்கள் உணவில்லாமல் இறந்தனர். இதனால் மக்கள்தொகை அப்போது குறைந்தது.
details
இந்தியா 2011க்கு பிறகு மக்கள் தொகை கணக்கெடுப்பை எடுக்கவில்லை
தற்போது பிறப்பு விகிதங்கள் வீழ்ச்சியடைந்துள்ளதால், சீனாவின் மக்கள்தொகை குறைந்துள்ளது.
எனவே, சீனாவின் பல பிராந்தியங்கள் பிறப்பு விகிதத்தை உயர்த்துவதற்கான திட்டங்களை அறிவித்துள்ளன. ஆனால், அந்த முயற்சிகள் எதுவும் இதுவரை பலன் அளிக்கவில்லை.
இந்தியா 2011க்கு பிறகு மக்கள் தொகை கணக்கெடுப்பை எடுக்காததால், இந்தியாவில் எத்தனை பேர் உள்ளனர் என்பது குறித்த சமீபத்திய அதிகாரப்பூர்வ தரவுகள் எதுவும் இல்லை.
இந்தியாவில் ஒரு தசாப்தத்திற்கு ஒரு முறை எடுக்கப்படும் மக்கள் தொகை கணக்கெடுப்பு 2021இல் நடைபெற இருந்தது, ஆனால் கொரோனா வைரஸ் தொற்றுநோய் காரணமாக அது தாமதமாகி உள்ளது.