அரவிந்த் கெஜ்ரிவாலின் மேல்முறையீட்டை இன்று விசாரிக்க மறுத்தது உச்ச நீதிமன்றம்
செய்தி முன்னோட்டம்
மதுபானக் கொள்கை வழக்கில் தன்னை கைது செய்ததை எதிர்த்து டெல்லி முதல்வர் அரவிந்த் கெஜ்ரிவால் இன்று உச்ச நீதிமன்றத்தில் மேல்முறையீடு செய்தார். ஆனால், அதை இன்று உடனடியாக விசாரிக்க உச்ச நீதிமன்றம் மறுத்துவிட்டதால், அரவிந்த் கெஜ்ரிவால் இன்று மீண்டும் திகார் சிறையில் அடைக்கப்பட்டார்.
உச்ச நீதிமன்றம் அடுத்த திங்கட்கிழமை தான் அடுத்து திறக்கப்படும் என்பதால், அரவிந்த் கெஜ்ரிவாலின் மனு அப்போது விசாரணைக்கு வரும் என்று எதிர்பார்க்கப்படுகிறது.
கெஜ்ரிவாலின் மேல்முறையீட்டு மனுவை அவசரமாக விசாரிக்க உச்சநீதிமன்றம் சிறப்பு பெஞ்சை அமைக்காது என்று கூறப்படுகிறது.
வரும் வியாழக்கிழமை ஈத்-உல்-பித்ருக்காக நீதிமன்றத்திற்கு விடுமுறை அளிக்கப்பட்டுள்ளது. வெள்ளிக்கிழமை உள்ளூர் விடுமுறையாகும்.
சனி, ஞாயிறு வார இறுதியாகும். எனவே அடுத்த நான்கு நாட்களுக்கு நீதிமன்றம் செயல்படாது.
டெல்லி
அவசரமாக விசாரிக்க உச்ச நீதிமன்றம் மறுப்பு
உச்ச நீதிமன்றம் மீண்டும் வரும் திங்கட்கிழமை திறக்கப்படும்.
கெஜ்ரிவாலின் வழக்கறிஞர், அபிஷேக் சிங்வி, இன்று காலை இந்திய தலைமை நீதிபதி டிஒய் சந்திரசூட் முன் இந்த மனுவை சமர்ப்பித்து, அவசர விசாரணைக்கு கோரினார்.
ஆனால், இன்று விசாரணைக்கு அனுமதி வழங்கப்படுமா என்பதைத் தெரிவிக்க தலைமை நீதிபதி மறுத்துவிட்டார்.
மதுபான கொள்கை ஊழலுடன் தொடர்புடைய பணமோசடி வழக்கில் தன்னை அமலாக்க இயக்குநரகம்(ED) கைது செய்ததை எதிர்த்து டெல்லி முதல்வர் அரவிந்த் கெஜ்ரிவால் தாக்கல் செய்த மனுவை நேற்று உயர்நீதிமன்றம் தள்ளுபடி செய்தது.
இந்நிலையில், அவர் இன்று உச்ச நீதிமன்றத்தில் மேல்முறையீடு செய்தார்.