கேரள மாநிலம், கொச்சி விமான நிலையத்தில் ரூ.49.5 லட்சம் மதிப்புள்ள தங்கம் பறிமுதல்
கேரள மாநிலம் கொச்சி விமான நிலையத்தில் சுங்கத்துறை அதிகாரிகள் பயணிகளை சோதனை செய்யும் பணியில் ஈடுபட்டிருந்தனர். அப்போது துபாயில் இருந்து விமானம் வந்திறங்கிய நிலையில், அதிலிருந்த பயணிகள் விமானத்தில் இருந்து இறங்கி விமான நிலையத்தில் சோதனைக்குட்பட்டனர். அப்போது அபுதாபியில் இருந்து வந்த கேரள திருச்சூர் மாவட்ட குன்னம்குளத்தை சேர்ந்த முகமது என்னும் பயணியிடம் அதிகாரிகள் சோதனை மேற்கொண்டுள்ளனர். அவர் மீது சந்தேகம் எழுந்த நிலையில், வான் நுண்ணறிவு பிரிவு போலீசார் தீவிர பரிசோதனை மேற்கொண்டனர். அப்போது அவரிடம் மறைத்து வைக்கப்பட்டிருந்த 1,063 கிராம் எடைகொண்ட ரூ.49.5 லட்சம் மதிப்புள்ள தங்கத்தை பறிமுதல் செய்தனர். தற்போது அந்த நபர் கைது செய்யப்பட்டுள்ளார் என்று தகவல்கள் தெரிவிக்கிறது.
