தேசிய கீதம் இசைப்பதில் அரசியலமைப்பு விதிமீறலா? சட்டசபை வெளிநடப்பு குறித்து ஆளுநர் மாளிகை விளக்கம்
செய்தி முன்னோட்டம்
தமிழக சட்டசபை கூட்டத்தொடர் திங்கட்கிழமை (ஜனவரி 5) தொடங்கிய நிலையில், ஆளுநர் ஆர்.என்.ரவி கூட்டத்தொடர் தொடங்கிய சிறிது நேரத்திலேயே வெளிநடப்பு செய்து வெளியேறினார்.
அமர்வின் தொடக்கத்தின் போது இசைக்கப்பட்ட பாடல்களின் வரிசையில், முதலில் தேசிய கீதம் இசைக்கப்பட வேண்டும் என்று ஆளுநர் ரவி கோரிக்கை விடுத்ததாக தகவல்கள் தெரிவிக்கின்றன.
ஆனால், தமிழ்த்தாய் வாழ்த்துடன் கூட்டத்தொடர் தொடங்கியது. இதனால் ஆளுநர் ரவி சட்டசபையை விட்டு வெளியேறினார்.
இதுகுறித்து ஆளுநர் மாளிகை வெளியிட்ட ஒரு செய்திக்குறிப்பில், இந்திய அரசியலமைப்பு மற்றும் தேசிய கீதத்தை அவமதிப்பதாக குற்றம் சாட்டியுள்ளது.
தேசிய ஒற்றுமையின் இந்த சின்னங்களை நிலைநிறுத்துவது ஒரு அடிப்படை கடமை என்று அதில் கூறப்பட்டுள்ளது.
அரசியலமைப்பு
அரசியலமைப்பு நடைமுறை
அரசியலமைப்பு நடைமுறைகளுக்கு ஏற்ப, அனைத்து மாநில சட்டமன்றங்களிலும் ஆளுநர் உரையின் தொடக்கத்திலும் முடிவிலும் தேசிய கீதம் இசைக்கப்படுவது பாரம்பரியமாக உள்ளது என்று அதில் குறிப்பிடப்பட்டுள்ளது.
இந்த நெறிமுறையை கடைபிடிக்குமாறு கவர்னர் பலமுறை கோரிக்கை விடுத்த போதிலும், சட்டசபை சபாநாயகர் மற்றும் முதல்வர் அதை நிராகரித்ததாக கூறப்படுகிறது.
இந்தச் சம்பவம் ராஜ்பவனில் இருந்து கடுமையான வார்த்தைகள் அடங்கிய அறிக்கையை வெளியிட வழிவகுத்தது. முதலில் ஆளுநர் மாளிகை ஒரு அறிக்கை வெளியிட்ட நிலையில், அது சிறிது நேரத்திலேயே நீக்கப்பட்டது.
அதைத் தொடர்ந்து மீண்டும், அதே கவலைகளை வெளிப்படுத்து அறிக்கை வெளியிடப்பட்டது. பேரவையின் முடிவின் மீது ஆளுநரின் அதிருப்தியை அந்த அறிக்கை வலியுறுத்தியது.
இது மிகவும் கவலைக்குரிய விஷயம் மற்றும் அரசியலமைப்பு கோட்பாடுகளை புறக்கணிப்பது என்று விவரித்தது.
embed
ஆளுநர் மாளிகையின் எக்ஸ் பதிவு
The Constitution of Bharat and the National Anthem were once again insulted in the Tamil Nadu Assembly today. Respecting the National Anthem is among the first Fundamental Duty as enshrined in our Constitution. It is sung in all the state legislatures at the beginning and the end...— RAJ BHAVAN, TAMIL NADU (@rajbhavan_tn) January 6, 2025