கல்வான் பள்ளத்தாக்கில் கொல்லப்பட்ட வீரரின் மனைவி லெப்டினன்டாக இராணுவத்தில் நுழைய உள்ளார்
செய்தி முன்னோட்டம்
2020ஆம் ஆண்டு ஜூன் மாதம் கிழக்கு லடாக்கின் கல்வான் பள்ளத்தாக்கில் சீன இராணுவத்துடன் ஏற்பட்ட மோதலால் 20 இந்திய வீரர்கள் கொல்லப்பட்டனர்.
அந்த வீரர்களில் ஒருவரின் மனைவி லெப்டினன்டாக இராணுவத்தில் பணியமர்த்தப்படுவார் என்று தகவல்கள் வெளியாகி உள்ளது. பதவியேற்க உள்ளவரின் பெயர் ரேகா சிங் என்று கூறப்படுகிறது.
ஏப்ரல் 29ஆம் தேதி, சென்னை அதிகாரிகள் பயிற்சி அகாடமியில் பட்டம் பெறவுள்ள 40 பெண்களில் ரேகா சிங்கும் இருப்பார் என்று அதிகாரிகள் தெரிவித்துள்ளனர்.
முதன்முறையாக, ஐந்து பெண் கேடட்கள் பீரங்கிகளின் படைப்பிரிவில் நியமிக்கப்படுவார்கள் என்று எதிர்பார்க்கப்படுகிறது.
details
உயிரிழந்த தீபக் சிங்கிற்கு வீர் சக்ரா விருது வழங்கப்பட்டது
ரேகா, பீகார் படைப்பிரிவின் 16வது பட்டாலியனைச் சேர்ந்த நாயக் தீபக் சிங்கின் மனைவி ஆவார்.
ஜூன் 15, 2020அன்று, கல்வான் பள்ளத்தாக்கில் கொல்லப்பட்ட தீபக் சிங்கிற்கு 2021 நவம்பரில் வீர் சக்ரா(VrC) விருது வழங்கப்பட்டது. இந்திய ராணுவம் அவரது வீர மரணத்திற்காக இந்த விருதை வழங்கியது.
பரம் வீர் சக்ரா(PVC) மற்றும் மகா வீர் சக்ரா(MVC) ஆகியவற்றுக்குப் பிறகு வீர் சக்ரா(VrC) என்பது இந்தியாவின் மூன்றாவது மிக உயர்ந்த இராணுவ மரியாதையாகும்.
காலாட்படை பட்டாலியனின் கமாண்டிங் அதிகாரி, கர்னல் பி.சந்தோஷ் பாபுவுக்கு MVC விருது வழங்கப்பட்டது. கல்வான் பள்ளத்தாக்கில் ரோந்துப் புள்ளி 14க்கு அருகே ஏழு மணி நேரம் நடந்த மோதலில் கொல்லப்பட்ட 20 இந்திய வீரர்களில் அவரும் ஒருவர் ஆவார்.